اسلام آباد: وزیراعظم پاکستان عمران خان نے یو این اجلاس سے پہلے امریکی صدر ڈونلڈ ٹرمپ سے ٹیلی فونک رابطہ کیا ہے.
تفصیلات کے مطابق دونوں رہنماؤں کے درمیان مقبوضہ کشمیرکی موجودہ صورتحال پرتبادلہ خیال ہوا.
اس موقع پر پاکستانی وزیر اعظم نے بھارت کے غاصبانہ اقدامات، انسانی حقوق کی خلاف ورزیوں سے آگاہ کیا، وزیراعظم نے مقبوضہ کشمیر کے حوالے سے پاکستانی مؤقف سے آگاہ کیا.
بعد ازاں شاہ محمود قریشی نے اپنے میڈیا پیغام میں اس رابطے کی تصدیق کی، انھوں نے کہا کہ مقبوضہ کشمیر کی صورت حال پر تبادلہ خیال ہوا ہے.
مزید پڑھیں: پاک فوج کشمیر کاز کی مکمل حمایت کرتی ہے: آرمی چیف
شاہ محمود قریشی نے کہا کہ گفتگو بارہ منٹ جاری رہی، اچھے ماحول میں گفتگو ہوئی، بات چیت اور رابطہ جاری رکھنے کا فیصلہ ہوا ہے.
وزیر خارجہ کا مزید کہنا تھا کہ سلامتی کونسل کے پانچ مستقل ارکان میں سے پاکستان کا چار سے رابطہ ہوگیا ہے۔ فرانسیسی صدر سے بھی رابطے کی کوشش ہے۔
تجزیہ کاروں کے مطابق سلامتی کونسل کے اجلاس سے کچھ دیر قبل پاکستانی وزیر اعظم کی امریکی صدر سے گفتگو خصوصی اہمیت کی حامل ہے۔