The news is by your side.

Advertisement

وزیر اعظم مقبوضہ کشمیرکی صورتحال پر پارلیمنٹ کے مشترکہ اجلاس میں شرکت کریں گے

اسلام آباد : وزیر اعظم عمران خان مقبوضہ کشمیرکی صورتحال پر پارلیمنٹ کے مشترکہ اجلاس میں شرکت کریں گے، اجلاس میں مقبوضہ کشمیر کے حوالے سے بھارتی اقدام پر بھی بات ہوگی۔

تفصیلات کے مطابق ھارت کی جانب سے مقبوضہ کشمیر کی خصوصی حیثیت ختم کرنے اورکنٹرول لائن کی صورتحال پر غور کیلئےپارلیمنٹ کا مشترکہ اجلاس آج ہو گا، وزیراعظم آفس کا کہنا ہے کہ وزیر اعظم عمران خان آج پارلیمنٹ کے مشترکہ اجلاس میں شرکت کریں گے۔

پارلیمنٹ کے مشترکہ اجلاس میں مقبوضہ کشمیر کے حوالے سے بھارتی اقدام پر بھی بات ہو گی جبکہ وزیر اعظم عمران خان تازہ ترین صورتحال سمیت اپنے دورہ امریکہ پر اظہار خیال کریں گے۔

خیال رہے بلاول بھٹو زرداری سمیت دیگر رہنماؤں نے مقبوضہ کشمیر کی صورتحال پر پارلیمنٹ کا مشترکہ اجلاس بلانے کا مطالبہ کیا تھا۔

یاد رہے بھارتی پارلیمنٹ کے اجلاس میں بھارتی وزیرداخلہ نے آرٹیکل 370 ختم کرنے کا بل پیش کیا، تجویز کے تحت غیر مقامی افراد مقبوضہ کشمیر میں سرکاری نوکریاں حاصل کرسکیں گے۔

مزید پڑھیں :   پاکستان نے مقبوضہ کشمیر سے متعلق بھارتی اعلان مسترد کردیا

بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کا عہدہ ختم کرکے اختیارات کونسل آف منسٹرز کو دے دیئے، جس کے بعد مقبوضہ کشمیر کی خصوصی حیثیت ختم ہوگئی ہے۔

پاکستان نے مقبوضہ کشمیر سے متعلق بھارتی اعلان مسترد کرتے ہوئے کہا تھا بھارت کا کوئی بھی یک طرفہ قدم کشمیر کی متنازعہ حیثیت ختم نہیں کر سکتا، بھارتی حکومت کا فیصلہ کشمیریوں اور پاکستانیوں کے لیے ناقابل قبول ہے۔

Comments

comments

یہ بھی پڑھیں