تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

وزیراعظم عمران خان نے 2020 کو ’’بلیو اکانومی‘‘ کا سال قرار دے دیا

اسلام آباد: وزیراعظم عمران خان نے کہا کہ بلیو اکانومی سے سرمایہ کاری روزگار، سیاحت، قابل تجدید توانائی کے مواقع پیدا ہوں گے۔

تفصیلات کے مطابق وزیراعظم عمران خان کی زیرصدارت بلیو اکانومی سے متعلق اجلاس ہوا جس میں وفاقی وزیر بحری امور علی زیدی نے بلیو اکانومی پر بریفنگ دی۔

اجلاس میں وزارت بحری امور کی گزشتہ 22 ماہ کی کارکردگی رپورٹ بھی پیش کی گئی۔وزیراعظم کو’’بلیو اکانومی‘‘کے مجوزہ روڈ میپ پر عملدرآمد کے حوالے سے آگاہ کیا گیا۔

اس موقع پر وزیراعظم پاکستان نے 2020 کو بلیو اکانومی کا سال قرار دیتے ہوئے کہا کہ پاکستان میں بلیو اکانومی کے شعبے میں بے پناہ صلاحیت ہے،ماضی میں اس شعبے کو نظرانداز کیا گیا۔

وزیراعظم کا کہنا تھا کہ بلیو اکانومی کی ملک میں بے پناہ صلاحیت کے پیش نظر حکومت روڈ میپ وضع کر رہی ہے،بلیو اکانومی سے سرمایہ کاری روزگار،سیاحت،قابل تجدید توانائی کے مواقع پیدا ہوں گے۔

انہوں نے کہا کہ شپنگ پالیسی 2019 کی بدولت سرمایہ کاروں کو آسانی ہو گی۔وزیراعظم نےگوادر بندرگاہ سے جڑے مستقبل کے منصوبوں کی بروقت تکمیل پر زور دیتے ہوئے کہا کہ گوادر بندرگاہ مستقبل میں ترقی اور خوشحالی کی ضامن ہوگی۔

وزیراعظم پاکستان نے بلیو اکانومی منصوبے پر خوشی اور وزارت کی کارکردگی پر اطمینان کا اظہار کرتے ہوئے کہا کہ منصوبوں پر عملدرآمد کے لیے بین الوزارتی رابطے،اسٹیک ہولڈرز سے مشاورت کریں۔

Comments

- Advertisement -