اسلام آباد: کیا اسد عمر کے بعد وزیر پیٹرولیم بھی استعفے کا اعلان کر دیں گے؟
تفصیلات کے مطابق کابینہ میں مزید تبدیلیاں متوقع ہیں، ممکنہ طور پر آج رات یا کل صبح تک اہم اعلان ہوسکتے ہیں.
[bs-quote quote=”وزیراعظم وزیرپٹرولیم کوبھی عہدہ چھوڑنے کی ہدایت کر چکے ہیں،” style=”style-8″ align=”left” author_name=”ذرائع”][/bs-quote]
ذرائع کے مطابق وزیراعظم عمران خان نے وزیر پٹرولیم غلام سرور کو وزیر اعظم آفس طلب کر لیا.
وزیرپٹرولیم غلام سرورخان کچھ دیر میں وزیراعظم سے ملاقات کریں گے، سابق وزیر خزانہ اسد عمر کو بھی وزیر اعظم نے طلب کر رکھا ہے.
موصولہ اطلاعات کے مطابق وزیراعظم وزیر پٹرولیم کوبھی عہدہ چھوڑنے کی ہدایت کر چکے ہیں، جس کا اعلان جلد متوقع ہے.
ذرائع کے مطابق وزیرپٹرولیم، داخلہ سمیت چار مزید وزارتوں میں تبدیلی کا فیصلہ کیا گیا، وفاقی کابینہ کے ساتھ بیوروکریسی میں بھی تبدیلیوں کا فیصلہ کیا گیا ہے.
مزید پڑھیں: عمران خان نے اسد عمر کو وزیراعظم آفس طلب کر لیا
خیال رہے کہ اے آر وائی نیوز نے 15 اپریل کو کابینہ میں ردوبدل کی خبرنشرکی تھی، جس کی تردید کی گئی، البتہ اسد عمر نے استعفے کا اعلان کرکے اس کی تصدیق کر دی.
یاد رہے کہ وزیر اعظم عمران خان نے عمر ایوب کو بھی وزیر اعظم آفس طلب کر رکھا ہے، عمر ایوب کو وزیر خزانہ کے لیے فیورٹ تصور کیا جارہا ہے.
