The news is by your side.

Advertisement

کراچی کی بڑھتی آبادی، ماحولیاتی مسائل پر قابو پانا ضروری ہے: وزیرِ اعظم

کراچی: وزیرِ اعظم عمران خان نے کراچی کے مسائل پر اظہارِ تشویش کرتے ہوئے کہا ہے کہ کراچی کی بڑھتی آبادی اور ماحولیاتی مسائل پر قابو پانا ضروری ہے۔

تفصیلات کے مطابق وزیرِ اعظم عمران خان نے کراچی کے مسائل پر اظہارِ تشویش کیا ہے، ایک اعلیٰ سطح اجلاس کی صدارت کرتے ہوئے وزیر اعظم نے کہا کہ کراچی کی بڑھتی آبادی اور ماحولیاتی مسائل پر قابو پانا ضروری ہے۔

مسائل کے حل کے لیے وفاق صوبائی حکومت کی مدد کرے گی۔

وزیرِ اعظم عمران خان

وزیرِ اعظم نے کہا کہ مسلسل کم ہوتے گرین ایریاز کا تحفظ یقینی بنایا جا سکتا ہے، مسائل کے حل کے لیے طویل المدت منصوبہ بندی کی جائے۔

اجلاس میں گرین لائن منصوبے سمیت کراچی میں وفاقی منصوبوں کا جائزہ لیا گیا، وفاق کے مختلف ترقیاتی منصوبوں پر پیش رفت کا بھی جائزہ لیا گیا۔

گورنر سندھ عمران اسماعیل اور معاونِ خصوصی افتخار درانی اور ندیم افضل چن بھی اجلاس میں شریک تھے، عمران خان نے کہا کہ سندھ، کراچی میں ترقیاتی منصوبوں سے عوامی مسائل دور کرنا چاہتے ہیں۔

وزیرِ اعظم کا کہنا تھا کہ مسائل کے حل کے لیے وفاق صوبائی حکومت کی مدد کرے گی، منصوبوں کے لیے وفاق، صوبائی حکومت کا مل کر کام کرنا ضروری ہے۔

یہ بھی پڑھیں: پرانا کراچی واپس آگیا،امید ہے پرانا پاکستان بھی واپس آئے گا‘ مراد علی شاہ

اجلاس میں گرین لائن منصوبے پر پیش رفت اور اس کی فعالیت کے حوالے سے وزیرِ اعظم کو تفصیلی بریفنگ دی گئی، کراچی پیکج کے تحت دیگر منصوبوں کا بھی جائزہ لیا گیا۔

وزیرِ اعظم نے کہا کہ بڑے شہروں کے منصوبوں میں ماحولیات کے عنصر کو مدِ نظر رکھا جائے، اس کے لیے لانگ ٹرم منصوبہ بندی ضروری ہے، تاکہ گرین ایریاز کا تحفظ یقینی بنایا جا سکے۔

Comments

comments

یہ بھی پڑھیں