تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

حکومت کی توجہ عام آدمی کو ریلیف فراہم کرنے پر موکوز ہے، وزیراعظم

اسلام آباد: وزیراعظم عمران خان نے کہا ہے کہ حکومت کی توجہ عام آدمی کو ہرممکن ریلیف فراہم کرنے پر مرکوز ہے۔

تفصیلات کے مطابق وزیراعظم خان کی زیر صدارت حکومتی معاشی ٹیم کا اجلاس ہوا جس میں معاشی صورت حال، غیرملکی سرمایہ کاری کے فروغ سے متعلق وزیراعظم کو بریفنگ دی گئی۔

وزیراعظم کو اسپتالوں کے لیے آلات و مشینری کی ڈیوٹی فری درآمد کے حکومتی فیصلے پر بریفنگ دی گئی اور چینی کی قیمتوں میں کمی لانے، پاکستان اسٹیلز ملز کی بحالی کے اقدامات سے بھی آگاہ کیا گیا۔

عمران خان کو تیل، گیس، معدنیات کے شعبے میں وفاق، صوبائی حکومتوں میں تعاون پر بریفنگ دی گئی۔

مزید پڑھیں: ’آئی ایم ایف نے 450 ملین ڈالر کی دوسری قسط کی منظوری دے دی‘

وزیراعظم کو بڑے صنعتی یونٹس کو دی جانے والی مراعات کے حوالے سے بریفنگ دی گئی، عمران خان کو بتایا گیا کہ چینی کی قیمتوں کو کنٹرول کرنے کے لیے موثر انتظامی اقدامات کیے جارہے ہیں، ذخیرہ اندوزی، منافع خوری کی حوصلہ شکنی پر خصوصی توجہ دی جارہی ہے، یوٹیلٹی اسٹورز کو 6 ارب جاری کرنے کے فیصلے سے قیمتوں میں خاطر خواہ کمی آئے گی۔

وزیراعظم نے کہا کہ ملک میں چینی کے ذخائر اور دستیابی کی صورتحال اطمینان بخش ہے، حکومتی کوششوں سے معاشی صورت حال مستحکم اور تاجروں کا اعتماد بحال ہوا ہے۔

انہوں نے کہا کہ مزید معاشی استحکام، سرمایہ کاروں کے لیے آسانیاں پیدا کرنا اولین ترجیح ہے، تیل، گیس، معدنیات میں صوبوں کی استعداد کار بڑھانے میں معاونت کریں گے۔

Comments

- Advertisement -