The news is by your side.

Advertisement

غریب عوام کو ریلیف پہنچانا ہماری ذمہ داری ہے ،اسے پورا کرنے کیلئے ہر حد تک جائیں گے، وزیراعظم

اسلام آباد : وزیراعظم عمران خان کا کہنا ہے کہ غریب عوام کو ریلیف پہنچانا ہماری ذمہ داری ہے، اپنی ذمہ داری پوری کرنے کے لئے ہر حد تک جائیں گے، کوشش ہے غریب عوام پر مہنگائی کا بوجھ کم کیا جائے۔

تفصیلات کے مطابق وزیراعظم عمران خان کی زیر صدارت حکومتی سبسڈی سے متعلق اجلاس ہوا ، جس میں معاشرے کےمستحق افراد کو غذا ودیگر اشیائے ضروریہ کاجائزہ لیا گیا اور وزیراعظم کو مجوزہ احساس فوڈ اسٹیمپ پروگرام پر تفصیلی بریفنگ دی گئی۔

اجلاس میں معاون خصوصی ثانیہ نشتر نے پروگرام کے خدو خال اور طریقہ کار پربریفنگ دیتے ہوئے پروگرام سےاستفادہ پانیوالے خاندانوں، افراد کے اعداد و شمار پیش کئے گئے۔

وزیراعظم عمران خان نے اجلاس میں اظہار خیال کرتے ہوئے کہا معاشی حالات کےباعث غریب افرادپرپڑنےوالےبوجھ کااحساس ہے ، ہر ممکن کوشش ہے غریب عوام پر مہنگائی کا بوجھ کم کیا جائے۔

عمران خان کا کہنا تھا کہ غریب عوام کو ریلیف پہنچانا ہماری ذمہ داری ہے، ہمیں اپنی ذمہ داری کا مکمل احساس ہے ، ہم اپنی ذمہ داری پوری کرنے کے لئے ہر حد تک جائیں گے۔

وزیراعظم نے مجوزہ نظام کے طریقہ کار اور شمار کو جلد حتمی شکل دینے کی ہدایت کرتے ہوئے کہا حکومتی سبسڈی کا شفاف استعمال موجودہ حکومت کی ترجیح ہے۔

Comments

یہ بھی پڑھیں