The news is by your side.

Advertisement

اداروں کے درمیان کسی قسم کا تصادم ملکی مفاد میں نہیں، وزیراعظم

اسلام آباد: وزیراعظم عمران خان کا کہنا ہے کہ اداروں کے درمیان کسی قسم کا تصادم ملکی مفاد میں نہیں ہے، حکومت قانون اور آئین کی بالادستی پر یقین رکھتی ہے۔

تفصیلات کے مطابق وفاقی دارالحکومت اسلام آباد میں وزیراعظم عمران خان کی زیرصدارت اجلاس پی ٹی آئی کور کمیٹی کا اجلاس ہوا۔ اجلاس میں آرمی چیف کی مدت ملازمت میں توسیع سے متعلق لائحہ عمل پر مشاورت کا فیصلہ کیا گیا۔

ذرائع کے مطابق وزیراعظم نے کہا کہ اداروں کے درمیان کسی قسم کا تصادم ملکی مفاد میں نہیں ہے، حکومت قانون اور آئین کی بالادستی پر یقین رکھتی ہے۔ وزیراعظم نے کہا کہ ادارے آئینی وقانونی دائرہ اختیارمیں فرائض سر انجام دیں، حکومت آئینی وقانونی ذمہ داریوں میں معاونت یقینی بنائے گی۔

وزیراعظم عمران خان نے کہا کہ افواج پاکستان نے امن کے لیے لازوال قربانیاں دیں، بیرونی قوتوں کو سازشوں میں ناکامی ہوگی، ہمیں اتحاد یکجہتی سے قومی مسائل کو حل کرنا ہوگا۔

وزیراعظم عمران خان کا بچوں سے متعلق جرائم کی روک تھام کے لئے بڑا فیصلہ

یاد رہے کہ گزشتہ ہفتے وزیراعظم عمران خان بچوں سےمتعلق جرائم کی روک تھام کے لیے قومی سطح پر نیشنل ایکشن پلان ترتیب دینے کا حکم دیا تھا اور وزارت داخلہ میں نیشنل کرائم ڈیٹا بیس بنانے کا بھی فیصلہ کیا تھا۔

Comments

یہ بھی پڑھیں