اسلام آباد: وزیر اعظم عمران خان نے جبری مشقت کے خاتمے کے لئے سخت اقدامات کی ہدایت کر دی.
تفصیلات کے مطابق وزیر اعظم نے حکم دیا ہے کہ ادارہ شماریات چائلڈ لیبر کے اعداد وشمار پر سروے کرے، ایسے بچوں کی تعلیم اور غربت سے متعلق تجاویز بھی تیار کی جائیں.
[bs-quote quote=” انسانی حقوق کا تحفظ ہمارےدین اور آئین پاکستان کا اہم جزو ہے” style=”style-7″ align=”left” author_name=”وزیر اعظم”][/bs-quote]
وزیراعظم نے پبلک مقامات پرملازمین سے متعلق ہتک آمیز سائن بورڈز ہٹانے کا حکم دیتے ہوئے کہا کہ اسلام آباد کلب اور جم خانہ پر لگے سائن بورڈز ہٹا دیے جائیں.
ان کا کہنا تھا کہ جبری گمشدگیوں کو جرم قرار دینے کے لئے ضابطہ فوجداری میں ترمیم کی جارہی ہے.
اس موقع پر وزیراعظم عمران خان نے پبلک مقامات پررکاوٹیں ہٹانے کی ہدایت جاری کی، وزیراعظم کو انسانی حقوق کو یقینی بنانے اور تشدد روکنے سے متعلق اقدامات پربریفنگ دی گئی.
مزید پڑھیں: وزیراعظم سے ملاقات ، ناروے اور کوریا کا پاکستان میں جلدبڑی سرمایہ کاری کافیصلہ
وزیر اعظم نے اس موقع پر کہا کہ انسانی حقوق کا تحفظ ہمارےدین اور آئین پاکستان کا اہم جزو ہے، حکومت انسانی حقوق کی پاسداری کے لیے پرعزم ہے، حکومت اقلیتوں کے حقوق کی ذمہ دار بھی ہے.
یاد رہے کہ آج وزیراعظم عمران خان نے غیرملکی سرمایہ کاروں کے وفد سے ملاقات کی ، ملاقات میں ناروے اور کوریا سے آئے وفد نے پاکستان میں سرمایہ کاری کی خواہش کا اظہار کیا اور پاکستان میں سرمایہ کاری کےمواقعوں اورحکومتی اقدامات پرتبادلہ خیال کیا گیا۔
