وزیراعظم عمران خان کی یاسرشاہ کو 82 سال کاریکارڈ توڑنے پر مبارکباد
The news is by your side.

Advertisement

وزیراعظم عمران خان کی یاسرشاہ کو 82 سال کاریکارڈ توڑنے پر مبارکباد

اسلام آباد: وزیراعظم عمران خان نے لیگ اسپنر یاسر شاہ کو 82 سالہ ریکارڈ توڑنے پر مبارک باد دیتے ہوئے کہا یاسرشاہ کی یہ اسٹار پرفارمنس ہے، انھوں نے 200 ٹیسٹ وکٹوں کاسنگ میل صرف 33میچز میں عبورکیا۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹویٹر پر اپنے پیغام میں یاسر شاہ کو 82 سالہ ریکارڈ توڑنے پر مبارکباد دیتے ہوئے کہا کہ ‘یاسر شاہ نے 200 ٹیسٹ وکٹوں کا سنگ میل 33 میچوں میں عبور کیا۔

عمران خان نے یاسر شاہ کی کارکردگی کو ‘اسٹار پرفارمنس’ قرار دیتے ہوئے کہا گزشتہ ہفتے یاسر شاہ نے ایک ٹیسٹ میں 14 وکٹ کا میرا ریکارڈ بھی برابر کیا تھا۔

اس سے قبل لیگ اسپنر یاسر شاہ کو تیز ترین 200 وکٹیں حاصل کرنے اور 82 سالہ ریکارڈ توڑنے پر شاہ محمود قریشی، احسان مانی، شعیب اختر، فواد چوہدری اور فیصل جاوید نے مبارک باد پیش کی تھی۔

یاد رہے کہ گزشتہ روز یاسر شاہ نے تیز ترین 200 وکٹیں حاصل کرکے ٹیسٹ کرکٹ کی تاریخ کا 82 سال پرانا ریکارڈ توڑ دیا تھا اور تیز ترین وکٹیں لینے والے باؤلر بن گئے تھے۔

مزید پڑھیں: یاسرشاہ نے ٹیسٹ کرکٹ کا بیاسی سال پرانا ریکارڈ توڑدیا

اس سے قبل نیوزی لینڈ کے خلاف ٹیسٹ سیریز میں یاسر نے بہت سے ریکارڈ اپنے نام کیے ہیں ، یاسر شاہ نے دبئی ٹیسٹ میں 14 وکٹیں حاصل کیں جو ان کے کیرئیر کی بہترین بولنگ تھی۔

قومی کرکٹ ٹیم کے لیگ اسپنر یاسر شاہ کا کہنا تھا کہ تیز ترین 200 وکٹوں کا ریکارڈ بنانا میرا خواب تھا، ورلڈ ریکارڈ بنانے کی خوشی ہے اور ورلڈ ریکارڈ اپنی مرحوم والدہ کے نام کرتا ہوں۔

خیال رہے تیز ترین 200 وکٹوں کا سنگ میل عبور کرنے کا عالمی اعزاز سابق آسٹریلوی سپنر کلیری گریمٹس کے پاس تھا ، جنہوں نے 1936ءمیں 36 ٹیسٹ میچز میں وکٹوں کی ڈبل سنچری بنا کر عالمی ریکارڈ پر قبضہ جمایا تھا۔

Comments

comments

یہ بھی پڑھیں