The news is by your side.

Advertisement

ایئر پورٹس پر بزرگ اورمعذور افراد کو سہولیات فراہم کی جائیں، وزیراعظم کی ہدایت

اسلام آباد : وزیر اعظم عمران خان نے ملک بھر کے ایئرپورٹس پر بزرگ شہریوں اور معذور افراد کے لئے بہترین سہولیات کی فوری فراہمی کا حکم جاری کیا ہے، اس کے علاوہ فرسٹ ایڈ کے ساتھ تجربہ کار طبی عملے کی تعیناتی کے بھی احکامات جاری کیے گئے ہیں۔

تفصیلات کے مطابق وزیراعظم سیکرٹریٹ کی جانب سے سول ایوی ایشن اتھارٹی کے لئے احکامات جاری کیے گئے ہیں جس میں ملک بھر کے ایئرپورٹس پر بزرگ اور معذور افراد کے لئے بہترین سہولیات کی فوری فراہمی کی ہدایت کی گئی ہے۔

پرائم منسٹر سیکرٹریٹ سے جاری احکامات پر فوری عملدرآمد کے بعد رپورٹ پیش کرنے کی بھی ہدایت دی گئی ہے، اس کے علاوہ فرسٹ ایڈ کے ساتھ تجربہ کار طبی عملے کی تعیناتی کے بھی احکامات جاری کیے گئے۔

 وزیراعظم سیکرٹریٹ نے احکامات پر تمام ائرپورٹس مینجرز کو فوری عملدرآمد کی ہدایات جاری کرتے ہوئے کہا ہے کہ بزرگ اور معذور افراد کے لئے پک اینڈ ڈراپ لوکیشنز پر رہنمائی کے سائن بورڈز نصب کئے جائیں۔

پک اینڈ ڈراپ پوائنٹس پر وہیل چئیرز کاؤنٹرز کے قیام اور ریمپس کی سہولت فراہم کی جائے، حکم نامے میں مزید کہا گیا ہے کہ متعلقہ ائرلائن کے عملے کی پک اینڈ ڈراپ پوائنٹس پر موجودگی اور ایئرپورٹس پر جان بچانے والی ادویات، طبی عملے کی 24 گھنٹے تعیناتی کو یقینی بنایا جائے۔

اس کے علاوہ آپریشنل ایئرپورٹس پر دوران فضائی آپریشن بین الاقوامی ایئر پورٹس کی سہولیات فراہم کی جائیں۔

Comments

comments

یہ بھی پڑھیں