اسلام آباد : وزیر اعظم عمران خان فیملی کے ہمراہ دو دن پُرفضا سیاحتی مقام نتھیا گلی میں گزاریں گے ، وزیر اعظم نتھیا گلی کے سرکاری گیسٹ ہاؤس بھی گئے ۔
تفصیلات کے مطابق وزیر اعظم عمران خان گرمی کی شدت میں ٹھنڈے سیاحتی مقام نتھیا گلی پہنچ گئے، جہاں وہ اہل خانہ کے ہمراہ دو دن گزاریں گے ۔
ذرائع کے مطابق موسم کی خرابی کے باعث وزیراعظم کا ہیلی کاپٹر نتھیا گلی کے بجائے کالا باغ ائیر بیس پر لینڈ کیا،کالا باغ ائیر بیس سے وزیراعظم بذریعہ سڑک نتھیا گلی پہنچے۔
یاد رہے گذشتہ ماہ بھی عید الفطر کے موقع پر فیملی کےساتھ نجی دورے پرنتھیاگلی پہنچے تھے، جہاں گورنر خیبر پختونخوا شاہ فرمان نے ان کا استقبال کیا۔
وزیر اعظم عمران خان گورنرہاؤس نتھیاگلی بھی گئے تھے، جہاں گورنر ہاؤس کے اسٹاف کی وزیر اعظم کےساتھ تصویرسامنے آئیں تھیں۔
مزید پڑھیں: وزیراعظم عمران خان کی فیملی کے ہمراہ پر فضا سیاحتی مقام نتھیا گلی آمد
بعد ازاں وزیراعظم عمران خان نے نتھیا گلی، ایوبیہ سمیت گلیات کو ملک کا بڑا سیاحتی مرکز بنانے کا فیصلہ کرتے ہوئے نئے پرکشش سیاحتی مقامات کی تلاش کے لئے سروے کی ہدایت کی تھی۔
ذرائع کا کہنا تھا وزیراعظم نے تھری اسٹار ہوٹل، فوڈ اسٹریٹ، سینما اور نئی پارکنگز کا ٹاسک دیتے ہوئے کہا نجی سیکٹر کے اشترک سے تمام نئی تعمیرات کی جائیں گی اور گلیات میں ریزارٹس،چیئرلفٹ ،نئے پوائنٹس بنائے جائیں گے۔
ذرائع کے مطابق وزیراعظم نے وزرا کو ہدایت کی نتھیا گلی سمیت گلیات میں مزیدپرکشش سیاحتی مقامات کی نشاندہی کی جائے گی۔
