اسلام آباد: وزیرِ اعظم عمران خان نے ملتان ڈویژن کے ارکانِ اسمبلی کو ہدایت کی ہے کہ وہ سرکاری اسپتالوں میں معیاری سہولیات کی فراہمی یقینی بنائیں اور اپنے حلقوں میں قایم اسپتالوں کا متواتر دورہ کریں۔
تفصیلات کے مطابق وزیرِ اعظم عمران خان سے ملتان ڈویژن سے تعلق رکھنے والے ایم این ایز نے ملاقات کی، ارکان قومی اسمبلی نے وزیرِ اعظم کو انتظامیہ سے متعلق عوامی شکایات سے آگاہ کیا۔
[bs-quote quote=”گیس بلز کے حوالے سے عوامی شکایات کی تحقیقات کی جا رہی ہیں۔” style=”style-8″ align=”left” author_name=”وزیر اعظم عمران خان”][/bs-quote]
ملاقات میں گیس اور بجلی کے حوالے سے عوام کو در پیش مسائل پر بھی گفتگو کی گئی۔
وزیرِ اعظم عمران خان نے کہا کہ گیس بلز کے حوالے سے عوامی شکایات کی تحقیقات کی جا رہی ہیں، تحقیقات کی روشنی میں ذمہ داران کے خلاف کارروائی کی جائے گی۔
انھوں نے منتخب نمائندگا کو عوامی مسائل کے حل کے لیے متحرک کردار ادا کرنے کی ہدایت کرتے ہوئے کہا کہ حکومت ایسا بلدیاتی نظام اور نمائندے لا رہی ہے جو عوام کو جواب دہ ہوں گے۔
یہ بھی پڑھیں: عمران خان کےعوامی خدمت کے ایجنڈے کومکمل کریں گے: عثمان بزدار
وزیرِ اعظم کا کہنا تھا کہ زراعت کے شعبے کو مستحکم کرنا حکومت کی ترجیحات میں شامل ہے، حکومت زراعت کے شعبے میں جدت لانا چاہتی ہے، فی ایکڑ پیداوار بڑھانے کے لیے کاشت کاروں کو مدد فراہم کریں گے۔
آج وزیرِ اعلیٰ پنجاب عثمان بزدار نے بھی کہا ہے کہ تحریکِ انصاف کی حکومت نے عوامی خدمت کو اپنا شعار بنایا ہے، عوامی خدمت کے اس سفر میں رکاوٹ نہیں ڈالنے دی جائے گی۔
