لاہور: وزیراعظم عمران خان نے کہا ہے کہ اب جو وزیر کام نہیں کرے گا، اس کو فوری تبدیل کردیا جائے گا.
ان خیالات کا اظہار انھوں نے اراکین پنجاب اسمبلی سے ملاقات میں کیا. اس موقع پر وزیراعلیٰ پنجاب عثمان بزدار بھی موجود تھے.
[bs-quote quote=” طرز حکومت کو بہتر بنانا وقت کی ضرورت ہے، اب حکومت میں سزا اور جزا کا نظام ہوگا” style=”style-7″ align=”left” author_name=”وزیر اعظم”][/bs-quote]
وزیراعظم نے کہا کہ ہماری حکومت کو مالی خسارہ ورثےمیں ملا، پوری کوشش کی کہ آئی ایم ایف کے پاس سب سے آخرمیں جائیں، پہلے دوست ممالک سے رجوع کیا.
وزیر اعظم نے صوبائی رکن اسمبلی سے گفتگو کرتے ہوئے کہا کہ میں چاہتا ہوں، پاکستان اپنے پیروں پر کھڑا ہو اور مستقبل میںکسی کی مدد نہیں لینی پڑے.
عمران خان نے مزید کہا کہ طرز حکومت کو بہتر بنانا وقت کی ضرورت ہے، اب حکومت میں سزا اور جزا کا نظام ہوگا، جو کام نہیں کرے گا، اسے تبدیل کردیا جائے گا.
مزید پڑھیں: وزیر اعظم، وزیر اعلیٰ پنجاب کی ملاقات، سیاسی صورتحال پرتبادلہ خیال
وزیراعظم نے کہا کہ پاکستان اب بدل چکا ہے، دنیا کو معلوم ہے کہ پاکستان خطے کا سب سے اہم ملک ہے، ہماری سب سے بڑی طاقت ہمارے نوجوان ہیں.
انھوں نے مزید کہا کہ اپوزیشن کے شور شرابےسے بالکل نہ گھبرائیں، ہم ان کے شور سے بلیک میل نہیں ہوں گے.
یاد رہے کہ آج عمران خان نے پنجاب کا مختصر دورہ کیا، جہاں انھوں نے وزیراعلیٰ اور اسپکر قومی اسمبلی سے ملاقات کی اور سیاسی صورت حال پر تبادلہ خیال کیا۔
