وزیراعظم سے وزیراطلاعات کی ملاقات ، رحمتہ اللعالمین ﷺکانفرنس کےانعقاد پرتنظیمی کمیٹی تشکیل
The news is by your side.

Advertisement

رحمتُ اللعالمین ﷺ کانفرنس کے انعقاد پر تنظیمی کمیٹی تشکیل

کمیٹی کی تشکیل وزیراعظم اور وزیراطلاعات کی ملاقات میں کی گئی

اسلا م آباد: وزیراعظم عمران خان نے وزیراطلاعات فواد چوہدری سے ملاقات کی، ملاقات میں رحمتہ اللعالمین ﷺکانفرنس کے انعقاد پر تنظیمی کمیٹی تشکیل دے دی گئی۔

تفصیلات کے مطابق وزیراعظم عمران خان سے وزیراطلاعات فواد چوہدری کی ملاقات ہوئی، ملاقات میں عید میلاد النبیﷺ شایان شان طریقے سے منانے کے اقدامات پر بات چیت کی گئی۔

ملاقات میں فیصلہ کیا گیا کہ عیدِ میلاد النبی ﷺپررحمتہ اللعالمین ﷺکانفرنس کا انعقاد کیا جائے گا۔ جس کے بعد رحمتہ اللعالمین ﷺکانفرنس کے انعقاد پر تنظیمی کمیٹی تشکیل دے دی گئی۔
کمیٹی میں فوادچوہدری، نورالحق قادری، افتخاردرانی، فیصل جاوید اوربابراعوان شامل ہیں جبکہ عامر لیاقت اورعلی محمد خان بھی کمیٹی کا حصہ ہوں گے۔

مزید پڑھیں :  حکومت کا 2 روزہ ختمِ نبوّت عالمی کانفرنس کرانے کا فیصلہ

گذشتہ روز وزیرِاعظم عمران خان نے علماء ومشائخ کے ساتھ خود رابطے میں رہنے کا فیصلہ کرتے ہوئے کہا تھا کہ جلد دو روزہ ختم نبوت عالمی کانفرنس منعقد کی جائے گی، جس میں امام کعبہ،جامعہ الازہرکے وائس چانسلر،شام کےمفتی سمیت عراق اورتیونس کے علمائےکرام شریک ہوں گے۔

دریں اثنا وزیرِاعظم نے وزیرِ مذہبی امور کے ساتھ ملاقات میں 12 ربیع الاوّل شایان شان طریقے سے منانے کا اعلان کرتے ہوئے بارہ ربیع الاول کے حوالےسے صوبوں کو ہدایات جاری کردیں  تھیں۔

وزیرِاعظم عمران خان کا کہنا تھا کہ ہم پُر امن اسلام کے تصور کو دنیا کے سامنے پیش کرنا چاہتے ہیں۔

اس موقع پر وفاقی وزیرِ مذہبی امور کا کہنا تھا کہ اسلام آباد میں 2 روزہ ختمِ نبوّت عالمی کانفرنس میں علمائے اکرام حضورﷺ کی سیرتِ مبارکہ پر روشنی ڈالیں گے۔

دوسری جانب وزیراعظم نے پی ٹی آئی کے اجلاس میں ملک گیر مشائخ کانفرنس کا فیصلہ کیا ، جس کی صدارت وزیراعظم کریں گے، اعجاز چودھری کے مطابق کانفرنس جناح کنونشن سینٹر اسلام آباد میں ہوگی، جس کی تاریخ کا اعلان جلدکیاجائےگا۔

واضح رہے وزیراعظم عمران خان کا کہنا تھا کہ لوگوں سے عہد کیا ہے پاکستان کو مدینہ کی ریاست بناؤں گا۔

Comments

comments

یہ بھی پڑھیں