اسلام آباد: وزیراعظم عمران خان سے ملاقات میں چیئرمین ینگ پریذیڈینٹ آرگنائزیشن پاسکل جرکن نے پاکستان کو دنیا کے لئے کھولنے کے حکومتی فیصلے کی تعریف کی جبکہ عمران خان نے کہا حکومت کی آزاداورسہل ویزاپالیسی کا مقصد کاروباری افراد اور سیاحوں کو خوش آمدیدکہناہے۔
تفصیلات کے مطابق چیئرمین ینگ پریذیڈینٹ آرگنائزیشن کا وفد وزیراعظم ہاؤس پہنچا تو وزیراعظم عمران خان نے استقبال کیا۔
چیئرمین ینگ پریذیڈنٹ آرگنائزیشن پاسکل جرکن کی وزیراعظم سے ملاقات ہوئی ، ملاقات میں مشیرتجارت رزاق داؤد،چیئرمین بورڈآف انویسٹمنٹ ہارون شریف بھی موجود تھے۔
غیر ملکی سیاحوں کےلئےپاکستان تک رسائی میں آسانی بہترین پالیسی ہے، پاسکل جرکن
پاسکل جرکن نے وزیراعظم عمران خان کو آرگنائزیشن کے دنیابھرمیں نیٹ ورک سےآگاہ کیا اور پاکستان کو دنیا کے لئے کھولنے کےحکومتی فیصلے کی تعریف کرتے ہوئے کہا غیر ملکی سیاحوں کےلئےپاکستان تک رسائی میں آسانی بہترین پالیسی ہے۔
اس موقع پر وزیراعظم نےسیاحت سمیت مختلف شعبوں میں پاکستان کاپوٹینشل اجاگرکیا اور کہا پاکستان میں سیاحت اورمتعلقہ شعبےسرمایہ کاری میں نظر انداز رہے، حکومت منافع بخش کاروبارکیلئےسرمایہ کاروں کوسہولت فراہم کرے گی۔
حکومت کی آزاداورسہل ویزاپالیسی کا مقصد کاروباری افراد اور سیاحوں کو خوش آمدیدکہناہے،وزیراعظم
عمران خان کا کہنا تھا کہ حکومت کاروبارمیں آسانیاں پیداکرنےپرخصوصی توجہ دےرہی ہے، حکومت نےآزاداورسہل ویزاپالیسی پیش کی ہے، اس پالیسی کا مقصد کاروباری افراد اور سیاحوں کو خوش آمدیدکہناہے۔
مزید پڑھیں : سیاحت کا فروغ، حکومت نے نئی اور آسان ویزا پالیسی کا اعلان کردیا
یاد رہے 24 جنوری کو وزیرِ اعظم کی زیرِ صدارت اجلاس میں97 ممالک کے لیے ویزا شرائط نرم کرنے کا فیصلہ کیا گیا تھا، عمران خان کا کہنا تھا کہ دنیا کی پاکستان تک رسائی آسان بنائیں گے، سیاحوں، سرمایہ کاروں کے لیے پاکستان کو پُر کشش بنانا ہے، دنیا بھر کے تاجروں، سیاحوں کے لیے ویزے میں آسانی پیدا کی جائے گی۔
بعد ازاں وفاقی وزیر خارجہ نے سیاحوں کے لیے نئی ویزا پالیسی کا اعلان کرتے ہوئے کہا تھا کہ پچاس ممالک کے سیاحوں کو آن آرائیول اور 175 کو ای ویزا سہولت فراہم کی جائے گی۔
