تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

سندھ اور وفاق میں دوریاں ختم، مراد علی شاہ کی مراد پوری

کراچی: وزیر اعظم عمران خان نے دورہ کراچی کے موقع پر آئی جی سندھ کلیم امام کی تبدیلی کی درخواست منظور کر لی ہے۔

تفصیلات کے مطابق سندھ اور وفاق میں دوریاں ختم ہو گئیں، وزیر اعلیٰ سندھ مراد علی شاہ کی مراد بھی پوری ہوگئی، وزیر اعظم نے آئی جی سندھ کی تبدیلی کی سندھ حکومت کی درخواست منظور کر لی۔

آئی جی سندھ کی تبدیلی کا نوٹیفکیشن آج جاری ہوگا، اس سلسلے میں گزشتہ روز گورنر ہاؤس سندھ میں وزیر اعظم عمران خان سے وزیر اعلیٰ سندھ نے اہم ملاقات کی، جس میں وزیر اعظم نے سندھ حکومت کا مطالبہ مان لیا۔ اس ملاقات میں گورنر سندھ عمران اسماعیل بھی موجود تھے۔

اے آر وائی نیوز کے مطابق مشتاق مہر کو نیا آئی جی سندھ بنائے جانے کا امکان ہے، گزشتہ روز وزیر اعظم نے کلیم امام کو بھی گورنر ہاؤس بلوا لیا تھا اور ان کے ساتھ ملاقات کی۔ دوسری طرف مراد علی شاہ ایک سال بعد وزیر اعظم کا استقبال کرنے ایئرپورٹ گئے۔ جس پر معاون خصوصی برائے اطلاعات فردوس عاشق نے تبصرہ کرتے ہوئے کہا کہ وزیر اعظم کے استقبال کے لیے مراد علی شاہ کا جانا سیاسی پختگی کی علامت ہے۔

وزیراعظم سے پیر پگارا کی ملاقات، جی ڈی اے کے تحفظات ختم

خیال رہے کہ گزشتہ روز وزیر اعظم عمران خان کراچی کے مسائل کے حل لیے شہر قائد کے ایک روزہ اہم دورے پر آئے تھے، انھوں نے اس دوران کراچی میں کامیاب جوان پروگرام کا بھی افتتاح کیا، جس میں انھوں نے اعلان کیا کہ 50 ہزار نوجوانوں کو اسکالر شپ دے رہے ہیں۔ وزیر اعظم نے شوکت خانم اسپتال کے لیے فنڈ ریزنگ تقریب سے بھی خطاب کیا۔ انھوں نے کنگری ہاؤس میں جی ڈی اے رہنماؤں سے بھی اہم ملاقات کی۔

Comments

- Advertisement -