اسلام آباد: وزیراعظم عمران خان نے کہا ہے کہ ملک اس وقت مشکل معاشی حالات سے دوچار ہے.
ان خیالات کا اظہار انھوں نے بزنس کمیونٹی کے وفد سے ملاقات کے موقع پر کیا. وزیراعظم کا کہنا تھا کہ ماضی میں ملک کو اندرونی وبیرونی قرضوں کی دلدل میں دھکیل دیا.
انھوں نے کہا کہ ماضی کی حکومتوں نےاداروں کو مکمل طور پر تباہ کر دیا، بڑے بڑے قومی ادارے خساروں کے بوجھ تلے دبے ہوئے ہیں.اسٹیل مل،پی آئی اے،ریلوےاربوں روپے کے خسارے میں ہیں.
[bs-quote quote=”مشکل وقت ہے، مگر پاکستانی قوم میں بے پناہ صلاحیت ہے، انشا اللہ جلد موجودہ بحران سے نکل جائیں گے” style=”style-7″ align=”center” author_name=”وزیراعظم عمران خان”][/bs-quote]
عمران خان نے کہا کہ ماضی کی حکومتوں نے ملک کے ساتھ جو کیا وہ دشمن بھی نہیں کرتے، ملک میں وسائل کی کمی نہیں، مگربڑے بڑے ڈاکے مارے گئے، آج قوم ماضی کے حکمرانوں کی غلط پالیسیوں کا خمیازہ بھگت رہی ہے.
عمران خان نے کہا کہ مشکل وقت ہے، مگر پاکستانی قوم میں بے پناہ صلاحیت ہے، انشا اللہ جلد موجودہ بحران سے نکل جائیں گے، پاکستان میں ہرشعبے میں اربوں ڈالرکازرمبادلہ کمانے کی صلاحیت ہے، قانونی طریقے سے ترسیلات زر سے منی لانڈرنگ پرقابو پا سکتے ہیں.
مزید پڑھیں: سرمایہ کاری کانفرنس: وزیراعظم 23 اکتوبر کو ریاض جائیں گے
وزیراعظم کا کہنا تھا کہ حکومت بزنس کمیونٹی کوساتھ لےکرچلنے کے عزم پر کاربند ہیں.
اس موقع پر بزنس کمیونٹی کے وفد نےڈیم فنڈ کے لئے9 کروڑ 19 لاکھ روپےکا چیک پیش کیا.
وفد نے یقین دہانی کروائی کہ نیا پاکستان بنانے کی مہم میں حکومت کے ساتھ ہیں، مشکل معاشی حالات میں حکومت کا ساتھ دیں گے.
اس موقع پر وزیراعظم عمران خان سے نیشنل بینک کےصدر کی بھی ملاقات کی، صدرنیشنل بینک نے ڈیم فنڈ کے لیے 1 کروڑ 95 لاکھ کاچیک وزیراعظم کوپیش کیا.
