The news is by your side.

Advertisement

وزیراعظم عمران خان کی چینی صدر سے ملاقات

بیجنگ: وزیراعظم عمران خان اور چینی صدرشی جن پنگ کے درمیان ملاقات میں دو طرفہ تعلقات وعلاقائی امن پر بات چیت کی گئی۔

تفصیلات کے مطابق وزیراعظم عمران اور چینی صدر شی جن پنگ کے درمیان بیجنگ کے گریٹ ہال میں ملاقات کے دوران علاقائی امن کے لیے کی جانے والی کوششوں، دو طرفہ تعلقات اور خطے کے دیگر امور پرتبادلہ خیال کیا۔

پاکستان اور چین کے درمیان وفود کی سطح پر بھی بات چیت ہوئی جس میں وزیرخارجہ شاہ محمود قریشی، وزیرریلوے شیخ رشید، خزانہ اور تجارت کے مشیروں نے بھی شرکت کی۔

چین جدید دورمیں کامیابی کی عظیم مثال ہے، عمران خان

یاد رہے کہ گزشتہ روز وزیراعظم نے بیلٹ اینڈ روڈ فورم میں گول میزکانفرنس سے خطاب کرتے ہوئے کہا تھا کہ چین جدید دورمیں کامیابی کی عظیم مثال ہے، چین نے ترقی کوفروغ دے کرمعاشرے کوتبدیل کر دیا۔

عمران خان کا کہنا تھا کہ ایک ارب لوگوں کا معیار زندگی بہتر بنایا گیا، یہ تبدیلی چینی قیادت کی بہترین حکمت عملی کی وجہ سے ہے۔

وزیراعظم کا کہنا تھا کہ چینی صدر نے بیلٹ اینڈ روڈ فورم کا نظریہ پیش کیا ہے، منصوبہ معاشی استحکام اورعوامی رابطے کی رکاوٹیں توڑسکے گا، معیشت کی مضبوطی اورعوامی خوشحالی کے لیے منصوبہ شاندار ہے۔

Comments

comments

یہ بھی پڑھیں