The news is by your side.

Advertisement

وزیر اعظم سے جرمن وزیر خارجہ کی ملاقات

اسلام آباد: وزیر اعظم عمران خان سے جرمن وزیر خارجہ ہائیکو ماس کی ملاقات ہوئی۔ ملاقات میں باہمی دلچسپی کے امور پر تبادلہ خیال کیا گیا۔

تفصیلات کے مطابق وزیر اعظم ہاؤس میں وزیر اعظم عمران خان سے جرمن وزیر خارجہ ہائیکو ماس کی ملاقات ہوئی۔ اس موقع پر وزیر خارجہ شاہ محمود قریشی، پاکستان میں جرمن سفیر مارٹن کوبلر، وزیر اعظم کے معاون خصوصی شہزاد اکبر اور جرمن حکام بھی ملاقات میں شریک تھے۔

ملاقات میں باہمی دلچسپی کے امور پر تبادلہ خیال کیا گیا۔ وزیر اعظم اور جرمن وزیر داخلہ کے درمیان دونوں ممالک کے درمیان انسداد منی لانڈرنگ سے متعلق تبادلہ خیال بھی کیا گیا۔

خیال رہے کہ اس سے قبل جرمن وزیر خارجہ نے پاکستان میں اپنے ہم منصب شاہ محمود قریشی سے ملاقات کی تھی۔

ان کے ہمراہ مشترکہ پریس کانفرنس کرتے ہوئے ہائیکو ماس کا کہنا تھا کہ افغان امن عمل میں پاکستان کے کردار کو سراہتے ہیں، پاک بھارت موجودہ کشیدگی پر بھی ملاقات میں بات چیت ہوئی۔ پاکستان اوربھارت کے درمیان کشیدگی پر تشویش ہے۔

جرمن وزیر خارجہ کا کہنا تھا کہ مسئلہ کشمیر کے حل اور کشیدگی میں کمی کے لیے مذاکرات ہونے چاہئیں، کشیدگی کے خاتمے اور مسئلہ کشمیر پر بھارتی وزیر خارجہ سے بھی بات کی۔ ’امید کرتا ہوں دونوں ممالک کے درمیان کشیدگی دور اور بات چیت ہوگی‘۔

انہوں نے مزید کہا تھا کہ پاکستان سے تجارت سمیت مختلف شعبوں میں تعاون بڑھائیں گے۔

Comments

comments

یہ بھی پڑھیں