اسلام آباد: وزیراعظم عمران خان نے کہا ہے کہ قربانی کاجذبہ ایک عالمگیرحیثیت کاحامل ہے.
ان خیالات کا اظہار انھوں نے قوم کے نام اپنے پیغام میں کہا. انھوں نے عیدالا ضحیٰ پرپوری قوم کومبارک باد پیش کی.
وزیراعظم عمران خان نے کہا کہ اللہ تعالیٰ سےدعا ہے کہ ہماری عبادات اورقربانیاں قبول فرمائے، قربانی کا مقصد خود کو اللہ کےحکم کےتابع کرنا ہے.
عمران خان نے کہا کہ قربانی ایک عالمگیر جذبہ ہے، کوئی بھی قوم ایثاروقربانی کے جذبے کے بغیرترقی نہیں کرسکتی.
واضح رہے کہ وزیراعظم نے عید کے دنوں میں بھی چھٹی نہ کرنے کا فیصلہ کیا ہے، عمران خان نے وفاقی وزرا کو بھی زیادہ چھٹیاں نہ کرنے کی ہدایت کی ہے۔
مزید پڑھیں: وزیراعظم عمران خان کا عید کے دنوں میں چھٹی نہ کرنے کا اعلان
عمران خان عید کی چھٹیاں شہر اقتدارمیں ہی گزاریں گے، نماز عید اور قربانی کے بعد سرکاری امور کا جائزہ لیں گے۔
یاد رہے کہ ملک بھر میں 22 اگست بہ روز بدھ ملک بھر میں عید الاضحیٰ منائی جائے گی، مسلمان اللہ کی راہ میں قربانی کریں گے۔
