تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

یوم دفاع ہمارے ملی اتحاد و یک جہتی کا بہترین عکاس ہے، وزیراعظم عمران خان کا پیغام

اسلام آباد : وزیراعظم عمران خان نے کہا ہے کہ یوم دفاع ہمارے ملی اتحاد و یکجہتی کا بہترین عکاس ہے، شہداء اور غازیوں کو سلام عقیدت پیش کرتے ہیں۔

یہ بات انہوں نے یوم دفاع پاکستان کے موقع پر اپنے پیغام میں کہی، وزیر اعظم نے کہا کہ افواجِ پاکستان نے دہشت گردی کیخلاف جنگ میں نمایاں کامیابیاں حاصل کی ہیں۔

افواج پاکستان کی قربانیوں سےمادر وطن کے استحکام کو مزید دوام ملا”ہمیں پیار ہے پاکستان سے” کا عنوان قوم کی امنگوں کا ترجمان ہے۔

انہوں نے کہا کہ دہشت گردی کیخلاف بچوں، جوانوں،بوڑھوں اور خواتین نے قربانیاں دیں، شہداء اور غازیوں کو سلام عقیدت پیش کرتے ہیں، شہداء اور غازیوں نے مادروطن کے دفاع کا فریضہ بخوبی انجام دیا۔

دہشت گردی کے خاتمےمیں افواج پاکستان کی جرأت کو سراہتا ہوں، پاک فوج کی ملک میں جمہوریت اور عالمی امن کیلئے کوششیں لائق تحسین ہیں۔

وزیر اعظم نے کہا کہ ہمسایوں سمیت پوری دنیا کے ساتھ برابری کی بنیاد پر تعلقات چاہتے ہیں، دنیا مقبوضہ کشمیر میں بھارتی جارحیت کی روک تھام کیلئے کردار ادا کرے، مسئلہ کشمیر کا اقوام متحدہ کی قرار دادوں کے مطابق حل امن کیلئے ناگزیر ہے۔

عمران خان نے مزید کہا کہ پاکستانی قوم اپنی افواج سے مل کر وطن کی حفاظت کیلئے کوئی کسر نہیں اٹھا رکھیں گے، قومی مسائل کامقابلہ ایمان، اتحاد اور تنظیم پر کار بند رہ کر کریں گے، آیئے مل کر محنت اور لگن سے ملکی ترقی میں اپنا حصہ ڈالیں، دہشت گردی کیخلاف جنگ کو منطقی انجام تک پہنچانے کیلئےجدوجہد جاری رہے گی،

انہوں نے کہا کہ میں ایک بار پھر شہداء غازیوں اور ان کے اہل خانہ اور رشتہ داروں کو سلام عقیدت پیش کرتا ہوں اور قوم کو یقین دلاتا ہوں کہ ہم ان کی فلاح و بہبود میں کوئی کسر اٹھا نہ رکھیں گے، دہشت گردی کے منطقی انجام تک بھر پور جدوجہد جاری رکھیں گے۔

Comments

- Advertisement -