The news is by your side.

Advertisement

خطے کی ابھرتی ہوئی مارکیٹس میں پاکستانی تجارتی مفاد کو فروغ دیا جائے: وزیر اعظم کی ہدایت

اسلام آباد: وزیر اعظم عمران خان نے ہدایت کی ہے کہ خطے کی ابھرتی ہوئی مارکیٹس میں پاکستان کے تجارتی مفاد کو فروغ دیا جائے.

ان خیالات کا اظہار وزیراعظم نے ٹریڈ آفیسرزکی پوسٹنگ سے متعلق اجلاس سے گفتگو کرتے ہوئے کیا. اجلاس میں اس ضمن میں اہم فیصلے کیے گئے.

وزیر اعظم کے زیر صدارت ہونے والے اجلاس میں ٹریڈ آفیسرز کی اسامیوں کا20 فیصد کوٹہ اوورسیز پاکستانیوں کے لئے مختص کرنے کی منظوری دی گئی، فیصلہ پاکستان کے تجارتی مفاد کے پیش نظر کیا گیا.

خیال رہے کہ وزیراعظم نے ٹریڈ آفیسرزکی تعیناتی کاطریقہ کار بدلنےکی ہدایت کی تھی، نئی منظور شدہ پالیسی میں میرٹ اور شفافیت کومد نظر رکھا گیا.

اس موقع پر وزیر اعظم کو بریفنگ دی گئی، جس کے مطابق ٹریڈ افسران کی کارکردگی مانیٹرکی جائے گی، مستقبل میں کارکردگی جانچنے کے لئے انفارمیشن ٹیکنالوجی کا استعمال کیا جائے گا.

مزید پڑھیں: ہماری اولین ترجیح چھوٹے کسان کے مفاد کا تحفظ ہے، وزیراعظم

اس موقع پر سیکریٹری کامرس یونس دھاگا نے وزیراعظم کوٹریڈ ڈیٹا سسٹم پربریفنگ دی اور مطلع کیا کہ تجزیاتی سسٹم ملک میں تجارتی مفادات کے فروغ میں مدد دے گا.

یاد رہے یکم مارچ کو   وزیراعظم عمران خان نے کہا تھا کہ ہماری اولین ترجیح چھوٹے کسان کے مفاد کا تحفظ ہے، زراعت ہماری معیشت کے لیے بہت اہم حیثیت رکھتی ہے۔

Comments

comments

یہ بھی پڑھیں