اسلام آباد: وزیر اعظم عمران خان سے ایم کیو ایم پاکستان کے وفد نے آج اہم ملاقات کی.
تفصیلات کے مطابق یہ ملاقات پارلیمنٹ ہاؤس میں وزیراعظم کے چیمبر میں ہوئی، اس موقع پر وفاق کی جانب سے جہانگیرترین، نعیم الحق، پرویز خٹک، ندیم افضل چن موجود تھے.
[bs-quote quote=”یم کیو ایم کی جانب سے لاپتا افراد کی بازیابی، منصوبوں کی تکمیل، دفاترکھولنے اور سیاسی آزادی دینے کا مطالبہ بھی کیا گیا.” style=”style-8″ align=”left”][/bs-quote]
ایم کیو ایم پاکستان کا وفد خالد مقبول صدیقی، اسامہ قادری، امین الحق، کشور زہرہ پر مشتمل تھا. ملاقات میں ایم کیو ایم نے اپنے مطالبات دہرائے.
اس موقع پر ایم کیو ایم پاکستان کے کنوینر ، خالد مقبول صدیقی نے کہا کہ کراچی،حیدرآباد ترقیاتی پیکج ایمرجنسی بنیاد پر جاری کیا جائے.
ایم کیو ایم کی جانب سے لاپتا افراد کی بازیابی، منصوبوں کی تکمیل، دفاترکھولنے اور سیاسی آزادی دینے کا مطالبہ بھی کیا گیا.
مزید پڑھیں: کراچی: ایم کیو ایم کا پانی کے بحران کے خلاف احتجاج کا اعلان
وزیراعظم کی جانب سے ایم کیوایم وفد کو وفاق کی جانب سے ترقیاتی پیکج کی پہلی قسط فوری ریلیز کرنے کی یقین دہانی کرائی گئی.
وزیر اعظم نے کہا کہ تحریری معاہدے پرمن وعن عمل درآمد کیا جائے گا، وزیراعظم نے جہانگیر ترین کو تحریری معاہدے پرعمل درآمد کا ٹاسک دے دیا.
اس موقع پر جہانگیر ترین نے کہا کہ ایم کیو ایم سے تحریری معاہدے پرعمل درآمد اخلاقی ذمہ داری ہے، جسے پورا کریں گے.
