اسلام آباد:وزیراعظم عمران خان نے کشمیر کی صورتحال پرحکومتی ترجمانوں کو اہم ہدایات دے دیں اور کہا پاکستان مقبوضہ کشمیر میں ہونے والے مظالم پر خاموش نہیں رہے گا۔
تفصیلات کے مطابق وزیراعظم عمران خان کی زیر صدارت حکومتی ترجمانوں کا اجلاس ہوا ، اجلاس میں مقبوضہ کشمیر کی موجودہ صورتحال پر تبادلہ خیال کیاگیا اور :اجلاس میں ملکی سیاسی صورتحال کا بھی اجلاس جائزہ لیا۔
ذرائع کا کہنا ہے کہ اجلاس میں وزیراعظم نے کشمیر کی صورتحال پرحکومتی ترجمانوں کو اہم ہدایات دیں، وزیراعظم نے کہا پاکستان ہر سطح پر کشمیریوں کا کیس لڑے گا اور مقبوضہ کشمیر کی آئینی حیثیت پر دنیا کو آگاہ کر رہے ہیں۔
وزیراعظم کا کہنا تھا کہ پاکستان مقبوضہ کشمیر میں ہونے والے مظالم پر خاموش نہیں رہے گا، مقبوضہ کشمیر سے متعلق قومی بیانیہ کو سامنے رکھ کر بیانات دیں۔
یاد رہے گذشتہ روز وزیر اعظم عمران خان نے پارلیمنٹ کے مشترکہ اجلاس سے خطاب میں مسئلہ کشمیر پر بھارتی ہتھکنڈے کے خلاف جنرل اسمبلی اور سلامتی کونسل میں آواز اٹھانے کا اعلان کیا تھا۔
مزید پڑھیں : بھارت نے کچھ کیا تو ہم بھر پور جواب دیں گے، وزیراعظم
وزیراعظم کا کہنا تھا بھارت یہ کھیل اور آگے لے کر گیا تومستقبل میں نقصان کے ذمہ دارہم نہیں ہوں گے، دنیا کو کردارادا کرناہوگا، بھارتی اقدام سےامن کو خطرہ ہے، روایتی جنگ بھی ہوسکتی ہے، بھارت نے کچھ کیا تو ہم بھر پور جواب دیں گے۔
عمران خان نے مزید کہا تھا کہ ایٹمی قوتیں کوئی خطرہ مول نہیں لےسکتیں، پیشگوئی کر رہا ہوں یہ پلوامہ جیسا واقعہ پھرکریں گے،الزام پاکستان پر لگایاجائےگا، مغربی دنیا کو مسلمانوں کی نسل کشی نظر نہیں آرہی، بھارت نے جو کشمیر میں کیاوہ بی جے پی کا انتخابی نعرہ تھا اور یہ نظریہ آرایس ایس کا ہے۔
