The news is by your side.

Advertisement

وزیراعظم نےعالمی رہنماؤں کو بیلٹ روڈ فورم پر4 تجاویزپیش کردیں

بیجنگ: وزیراعظم عمران خان کا کہنا ہے کہ نوجوان مہارت کے ذریعے معیشت کی ترقی میں کردار ادا کرسکتے ہیں۔

تفصیلات کے مطابق وزیراعظم عمران خان نے بیلٹ اینڈ روڈ فورم پر 4 تجاویزپیش کرتے ہوئے کہا کہ کاروباری مواقع کی معلومات کے لیے رابطوں کا فروغ ضروری ہے۔

وزیراعظم نے کہا کہ سیاحت کے فروغ کے لیے ثقافتی روابط بڑھانے ہوں گے، رابطوں کے ذریعے چھوٹے کاروبار اور روزگار میں اضافہ ممکن ہے۔

عمران خان نے کہا کہ ہنرمند افراد کے تبادلے سے اسکل شیئرنگ کا نظام مضبوط ومؤثر ہوگا، فورم سے جڑے ممالک میں تعلیمی اورجدید رابطوں کوبڑھانا ہوگا۔

وزیراعظم پاکستان نے کہا کہ نوجوان مہارت کے ذریعے معیشت کی ترقی میں کردار ادا کرسکتے ہیں۔

انہوں نے کہا کہ پاکستان نے تاریخ میں ثقافت اورتجارت کوآئیڈیازکے ذریعے جوڑا، رابطوں کا فروغ پاکستان کے ورثے کا حصہ رہا ہے۔

عمران خان نے کہا کہ سی پیک منصوبہ رابطوں کو21 ویں صدی میں جدید شکل دے رہا ہے، رابطوں کے فروغ سے خطے میں خوشحالی بڑھے گی، امید ہے مشکل مسائل کا آسان حل تلاش کرنے میں کامیاب ہوں گے۔

چین جدید دورمیں کامیابی کی عظیم مثال ہے، عمران خان

واضح رہے کہ وزیراعظم عمران خان نے کہا کہ چین نے ترقی کو فروغ دے کرمعاشرے کوتبدیل کر دیا، ایک ارب لوگوں کا معیار زندگی بہتر بنایا گیا۔

Comments

comments

یہ بھی پڑھیں