واشنگٹن: وزیراعظم عمران خان کا کہنا ہے کہ پاکستان اور امریکا دہشت گردی کے خلاف جنگ میں اہم اتحادی ہیں اور دونوں ممالک کو ماضی میں اعتماد کے ققدارن کے باعث نقصان اٹھانا پڑا۔
تفصیلات کے مطابق وزیراعظم عمران خان نے امریکی ٹی وی کو خصوصی انٹرویو میں کہا کہ پاکستان اور بھارت کے درمیان ایٹمی جنگ کوئی حل نہیں ہے۔
وزیراعظم پاکستان نے کہا کہ امریکا وہ واحد ملک ہے جو پاکستان اور بھارت کے درمیان مسئلہ کشمیر کے حل کے لیے ثالث کا کردار ادا کرسکتا ہے۔
وزیراعظم عمران خان نے کہا کہ پاکستان کے پاس ایٹمی ہتھیاروں کے کمان اور کنٹرول کا موثر نظام ہے، پاکستان کی مسلح افواج پیشہ ور ہیں اور وہ ہر چیلنج سے نمٹنے کی پوری صلاحیت رکھتی ہیں۔
عمران خان نے کہا کہ پاکستان اور امریکا دہشت گردی کے خلاف جنگ میں اہم اتحادی ہیں اور دونوں ممالک کو ماضی میں اعتماد کے ققدارن کے باعث نقصان اٹھانا پڑا۔
وزیراعظم پاکستان نے کہا کہ افغانستان میں انتخابات کے ذریعے ہی امن قائم کیا جاسکتا ہے کیونکہ امریکا گزشتہ چار دہائیوں سے افغانستان میں جنگ لڑ رہا ہے تاہم اس کے باوجود جنگ سے تباہ حال ملک میں اسے قیام امن میں کامیابی حاصل نہیں ہوسکی۔
وزیراعظم عمران خان نے انٹرویو کے دوران کہا کہ قیدیوں کے تبادلے پر امریکا کے ساتھ بات چیت کی جاسکتی ہے۔
امریکا اور ایران کے درمیان مذاکرات میں تعطل کے حوالے سے وزیراعظم عمران خان نے کہا کہ اس سے خطے میں امن اور معیشت متاثر ہوسکتے ہیں۔
