The news is by your side.

وزیراعظم کی زیرصدارت پی ٹی آئی سندھ کے ارکان قومی اسمبلی کا اجلاس

اسلام آباد : وزیراعظم عمران خان کا کہنا ہے کہ مشکل حالات میں حکومت سنبھالی، چند ماہ میں تبدیلی نظرآئے گی۔

تفصیلات کے مطابق وزیراعظم عمران خان کی زیرصدارت پاکستان تحریک انصاف سندھ کے ارکان قومی اسمبلی کا اجلاس ہوا۔

اجلاس میں کراچی سمیت سندھ بھرکے ایم این ایزنے شرکت کی، عمران کی زیر صدارت اجلاس میں سندھ کی ترقی اور مسائل کے حل پر گفتگو ہوئی۔

وزیراعظم کوکراچی کےعوام کے پینے کے پانی اورسیوریج مسائل سے آگاہ کیا گیا جبکہ گورنرسندھ عمران اسماعیل نے وزیراعظم کےاعلان کردہ کراچی پیکج کی پیشرفت پربریفنگ دی۔

وزیراعظم عمران خان نے کہا کہ عوامی مسائل اجاگرکرنے اور ان کے حل میں ارکان اسمبلی کردار ادا کریں، ارکان اسمبلی عوام کے دکھ درد میں شریک ہوں۔

وزیراعظم پاکستان نے مزید کہا کہ مشکل حالات میں حکومت سنبھالی، چند ماہ میں تبدیلی نظرآئے گی۔

مضبوط معیشت اور روزگار کی فراہمی ترجیح ہے‘ عمران خان


یاد رہے کہ گزشتہ ہفتے وزیر اعظم عمران خان کا کہنا تھا کہ ملکی معیشت کا پہیہ بھی چلے گا اور نوجوانوں کو روزگار بھی ملے گا، آئندہ چھ ماہ میں واضح بہتری دیکھنے میں آئے گی۔

وزیراعظم عمران خان کا کہنا تھا کہ 50 لاکھ گھروں کے منصوبوں سے لوگوں کو سہولت میسر آئے گی، معیشت کا پہیہ بھی چلے گا اور نوجوانوں کو روزگار بھی ملے گا۔

Comments

یہ بھی پڑھیں