The news is by your side.

Advertisement

بلین ٹری سونامی مہم کے حیرت انگیز نتائج، وزیراعظم نے ویڈیو جاری کردی

اسلام آباد : بھکر میں شجرکاری مہم سے صرف ڈھائی سال میں حیرت انگیزنتائج سامنے آگئے، وزیراعظم عمران خان نے کہاہے کہ آئندہ نسلوں کیلئے سرسبزپاکستان چھوڑ کر جائیں گے۔

تفصیلات کے مطابق وزیراعظم عمران خان نے بنجر زمین پر اگائے گئے درختوں کی ویڈیو جاری کرتے ہوئے کہا بھکرمیں دوہزارانیس سےشجرکاری مہم جاری ہے،صرف ڈھائی سال میں حیرت انگیزنتائج سامنےآئے، آئندہ نسلوں کیلئے سرسبزپاکستان چھوڑ کر جائیں گے۔

یاد رہے 11 جولائی کو وزیر اعظم عمران خان نے سوات کے مٹہ کے علاقے میں ایک پہاڑی کی ویڈیو شیئر کی تھی اور جس میں دکھایا گیا تھا کہ بلین ٹری سونامی مہم کی وجہ سے یہ کیسے سبز ہو گیا ہے۔

عمران خان کا کہنا تھا کہ مٹا میں بنجر پہاڑیاں سر سبز ہو رہی ہے۔ خیبر پختونخوا میں ہماری ارب درخت لگانے کی مہم کے ناقابل یقین نتائج ہیں ، انشاء اللہ ہم آئندہ نسلوں کے لئے ایک صاف ستھرا اور سبز پاکستان چھوڑیں گے۔

Comments

یہ بھی پڑھیں