تازہ ترین

وزیر اعظم کا منی لانڈرنگ کے خلاف پوری طاقت سے کارروائی کا اعلان

اسلام آباد: وزیراعظم خان نے کہا ہے کہ ہمیں دوسروں پرانحصار ترک کر کے ایک خود مختار ملک بننا ہوگا.

ان خیالات کا اظہار انھوں نے پاکستان اکنامک فورم سے خطاب کرتے ہوئے کیا. ان کا کہنا تھا کہ میراوژن پاکستان کو خود مختارملک بنانا ہے.

انھوں نے مزید کہا کہ سیاست میں آیا، تو خواہش تھی کہ پاکستان سے غربت ختم ہو،ہمیں دوسروں کے حصار سے نکلنا ہوگا، سرمایہ کاروں کو مجرموں کی طرح پیش کرنے والے ملک ترقی نہیں کرتے، ہاتھ پھیلانے والا ملک کبھی آگے نہیں بڑھ سکتا.

[bs-quote quote=”ناجائز طریقے سے پیسہ بنانا اور ٹیکس چوری کرنا گناہ ہے” style=”style-7″ align=”left” author_name=”وزیر اعظم عمران خان”][/bs-quote]

وزیراعظم عمران خان نے کہا کہ ناجائز طریقے سے پیسہ بنانا اور ٹیکس چوری کرنا گناہ ہے، بیوروکریسی میں اس مائنڈ سیٹ کو تبدیل کرنے کی ضرورت ہے.

انھوں نے کہا کہ ڈالرز کی اسمگلنگ روکنے کے لئے ہر طریقہ اختیار کریں گے، اس ضمن میں‌ افغان ٹرانزٹ ٹریڈ پرنظر ہے.

ان کا کہنا تھا کہ ایکسپورٹ میں اضافہ وقت کی اہم ضرورت ہے، چین نے 30 سال میں 70 لاکھ لوگوں کو غربت سے نکالا، ہماری آدھی آبادی غربت کی لکیر سے نیچے زندگی گزار رہی ہے.


مزید پڑھیں: وزیراعظم اور آرمی چیف کی ملاقات، ملکی سلامتی کی صورت حال پر تبادلہ خیال


وزیراعظم عمران خان کا کہنا تھا کہ ہم ملک میں غربت مٹاؤ پروگرام لیے کر آر ہے ہیں، سرمایہ کاروں کے لئے وزیراعظم سیکریٹریٹ میں خصوصی دفتربنا رہے ہیں، منی لانڈرنگ کے خلاف پوری طاقت سے کارروائی ہوگی۔ 

انھوں نے کہا کہ پاکستان میں سرمایہ کاری کے بےپناہ مواقع ہیں، پاکستان کی جیواسٹریٹجک پوزیشن سرمایہ کاری کے لئے موزوں ہے.

Comments

- Advertisement -