وزیراعظم عمران خان نےرجسٹرڈفری لانسرزکیلئےٹیکس زیروکرنےکااعلان کرتے ہوئے کہا کہ رجسٹرڈ فری لانسرز کے لیے آمدن میں کوئی ٹیکس نہیں ہوگا۔
یہ اعلان انہوں نے اسلام آباد میں ای تجارت پورٹل کی تقریب سے خطاب کرتے ہوئے کیا۔ تقریب سے خطاب کرتے ہوئے ان کا مزید کہنا تھا کہ جن شعبوں میں پیچھےرہ گئےہیں کوشش کرینگےآگےبڑھیں۔
وزیراعظم عمران خان نے کہا ہے کہ جب حکومت آئی تو اپنی کابینہ کو کہتا تھا کہ گھبرانا نہیں ہے آج اپوزیشن کو بھی کہتا ہوں کہ گھبرانا نہیں ہے۔
وزیراعظم کا کہنا تھا کہ آئی ٹی کی ترقی کی وجہ دنیا ڈیجیٹلائزیشن کی طرف جارہی ہے، آج ٓئی ٹی سیکٹرمیں بہت سےلوگ ارب پتی بن گئے ہیں ہم بھی ٹیکنالوجی کے انقلاب سے بھرپور فائدہ اٹھائیں گے اور نوجوانوں کے لیے رکاوٹیں ہٹاکر انہیں سہولتیں فراہم کریں گے۔
انہوں نے کہا کہ ہماری حکومت آئی توآئی ٹی سیکٹراورنوجوانوں پرخاص توجہ دی ہے نوجوانوں کو تربیت فراہم کررہے ہیں۔
وزیراعظم کا مزید کہنا تھا کہ بھارت کی 2000 میں ایک ارب آئی ٹی ایکسپورٹ تھی، جو آج بھارت 100ارب سےبھی بڑھ گئی ہے، ہم بھی آئی ٹی کےشعبےمیں آگےبڑھ سکتےہیں اور ڈالرزکےفاصلےکوآئی ٹی شعبےکی وجہ سےپوراکرسکتےہیں۔
انہوں نے کہا کہ حکومت کی کوششوں سے آئی ٹی سیکٹرمیں پونے4ارب کی برآمدات ہوگئی پاکستان50ارب روپےکی آئی ٹی کی برآمد کر سکتاہے۔
وزیراعظم نے بتایا کہ بل گیٹس کو پاکستان کے دورے کی دعوت دی ہے اور ان سے پاکستان میں آئی ٹی شعبےمیں تعاون کرنےکیلئےکہا ہے، بل گیٹس نے بھی مثبت ردعمل دیتے ہوئے کہا ہے کہ جلد خوشخبری سناؤں گا۔
ان کا کہنا تھا کہ بل گیٹس کے پاکستان میں کیا مفادات ہوسکتے ہں، بل گیٹس جیسےانسان بہت خوش قسمت ہوتےہیں جس کہتے ہیں نے ہم نےبہت پیسہ کمالیااب عوام پرخرچ کرینگے، بل گیٹس نےپاکستان میں پولیو کے خاتمے کیلئے بھرپورمدد کی، گزشتہ ایک سال میں پاکستان میں پولیو کا ایک کیس بھی سامنے نہیں آیا۔
عمران خان کا کہنا تھا کہ نوجوانوں کویقین دلاتاہوں کہ حکومت انہیں مکمل سپورٹ کریگی،کلچر اور دیگر مسائل آتے ہیں لیکن پاکستان میں بہت ٹیلنٹ ہے، جب بھی ہماری قوم کوموقع ملاہےآگےبڑھےہیں، گلگت کی نادیہ کے ٹیلنٹ کو دیکھ کر خوشی ہوئی ہماری دیگر خواتین بھی اپنا ٹیلنٹ دنیا کو دکھا سکتی ہیں۔
وزیراعظم نے تعلیم کے حوالے سے کہا کہ ہماری تعلیم کااسٹرکچرایساہےجوغریب کواوپرنہیں آنےدیتا، ایسانظام لارہےہیں تاکہ غریب اورامیرکیلئےتعلیم کاالگ نظام نہ ہو۔
وزیراعظم عمران خان کے پاکستان کرکٹ کے ڈھانچے میں بھی تبدیلی کا عندیہ دیتے ہوئے کہا کہ پاکستان کے کرکٹ اسٹرکچر کو بھی تبدیل کررہے ہیں اس تبدیلی سے پاکستان ٹیم کو ہرانا مشکل ہوجائیگا۔
