The news is by your side.

Advertisement

وزیر اعظم کی زیرصدارت وفاقی کابینہ کا اجلاس آج ہوگا

اسلام آباد: وزیراعظم عمران خان کی زیرصدارت وفاقی کابینہ کا اجلاس آج ہوگا، جس کے لیے 15 نکاتی ایجنڈا جاری کردیا گیا۔

تفصیلات کے مطابق وزیراعظم عمران خان کی زیرصدارت وفاقی کابینہ کا اجلاس آج ہوگا، وزیراعظم وفاقی کابینہ کو دورہ کرغزستان سے متعلق اعتماد میں لیں گے۔

وفاقی کابینہ کے اجلاس میں انکوائری کمیشن کے قیام کا معاملہ زیرغورآئے گا، احساس پروگرام اور ویزا این او سی لیبرلائزیشن پالیسی پربریفنگ دی جائے گی۔

اجلاس میں کابینہ کو اثاثہ جات اسکیم میں اب تک کی پیش رفت سے آگاہ کیا جائے گا، کابینہ ریلوے بورڈ کے نجی ممبر کی تقرری کی منظوری دے گی۔

پا ک ایران میری ٹائم سرچ اینڈ ریسکیومعاہدے کی منظوری اجلاس کے ایجنڈے کا حصہ ہے، ایف آئی اے اور پی ٹی اے تصدیق شدہ چوری کے کیسز پر بریفنگ دیں گی۔

وفاقی کابینہ کے اجلاس میں نسٹ اورمیکسیکو یونیورسٹی میں تعاون پرمعاہدے کی منظوری دی جائے گی، بجلی کی تقسیم کار کمپنیوں میں عملے کومستقل کرنے کاجائزہ لیا جائے گا۔

اجلاس میں کابینہ مختلف ممالک کے ساتھ تاخیر کا شکار معاہدوں کی منظوری دے گی، وفاقی کابینہ کو کابینہ اجلاسوں کے فیصلوں پرعملدرآمد پربھی بریفنگ دی جائے گی۔

Comments

comments

یہ بھی پڑھیں