The news is by your side.

Advertisement

وزیراعظم عمران خان دو روزہ سرکاری دورے پر آج ملائیشیا روانہ ہوں گے

اسلام آباد: وزیراعظم عمران خان دو روزہ سرکاری دورے پر آج ملائیشیا روانہ ہوں گے، خارجہ، خزانہ، اطلاعات اور تجارت کے وزراء بھی وزیراعظم کے ہمراہ ہوں گے۔

تفصیلات کے مطابق چین، سعودی عرب اور متحدہ عرب امارات کے کامیاب دوروں کے بعد وزیراعظم عمران خان دو روزہ دورے پر آج ملائیشیا روانہ ہوں گے، شاہ محمود قریشی، اسد عمر، فواد چوہدری ودیگر بھی ہمراہ ہوں گے۔

ذرائع کے مطابق وزیراعظم عمران خان سیرت النبی ﷺ کانفرنس میں شرکت کے بعد ملائیشیا روانہ ہوں گے، عمران خان کانفرنس کے افتتاحی سیشن کی صدارت کریں گے۔

وزیراعظم ملایشین ہم منصب ڈاکٹر مہاتیر محمد کی خصوصی دعوت پر دورہ کررہے ہیں، دورہ کے دوران وزیراعظم عمران خان ملایشین ہم منصب اور اعلیٰ حکام سے ملاقاتیں کریں گے، وہ ملائیشیا میں بزنس کمیونٹی، سرمایہ کاروں کے وفود سے بھی ملاقات کریں گے۔

یہ پڑھیں: دورۂ متحدہ عرب امارات، وائٹ کالر کرائم اور منی لانڈرنگ کی روک تھام پر اتفاق

یاد رہے گذشتہ روز وزیراعظم عمران خان ایک روزہ دورے پر متحدہ عرب امارات پہنچے تھے، اس موقع پر اُن کے ہمراہ آرمی چیف آف اسٹاف جنرل قمر جاوید باجوہ، وزیر خزانہ اسد عمر، وفاقی وزیر پیٹرولیم غلام سرور، وزیر برائے توانائی اور مشیر تجارت جبکہ یو اے ای میں پہلے سے موجود وفاقی وزیر خارجہ شاہ محمود بھی شامل تھے۔

وزیراعظم عمران خان کی ولی عہدشیخ محمدبن زیدبن سلطان النہیان سےملاقات صدارتی محل میں ہوئی، جس میں باہمی امور اور خطے کی صورتحال پر تفصیلی تبادلہ خیال اور دو طرفہ تجارت سمیت معیشت کی بہتری کے معاملات پر بات چیت ہوئی۔

اعلامیے میں کہا گیا تھا کہ دونوں مملک نے دہشت گردی کے خلاف مشترکہ لائحہ عمل اپنانے کا فیصلہ کرتے ہوئے اسے جڑ سے اکھاڑ پھینکنے کے ہنگامی اقدامات شروع کرنے پر بھی اتفاق کیا جبکہ دونوں ممالک کے درمیان وائٹ کالرکرائم پرقابوپانےکابھی معاہدہ طے پایا علاوہ ازیں ڈرگ،انسانی سمگلنگ،منی لانڈرنگ کی روک تھام کیلئےہنگامی اقدامات پر اتفاق کیا گیا۔

Comments

comments

یہ بھی پڑھیں