The news is by your side.

Advertisement

وزیراعظم عمران خان کل وزارت اعلیٰ کے امیدوار پرویز الہٰی سے ملاقات کریں گے

اسلام آباد : وزیراعظم عمران خان کل وزارت اعلیٰ کے امیدوار پرویز الہٰی سے ملاقات کریں گے، جس میں پنجاب میں حکومت سےمتعلق حکمت عملی زیر غور آئے گی۔

تفصیلات کے مطابق وزیراعظم عمران خان کل لاہور پہنچیں گے ، جہاں ان کی وزارت اعلیٰ کےامیدوار پرویزالہٰی سے ملاقات ہوگی۔

ذرائع کا کہنا ہے کہ وزیراعظم پی ٹی آئی پنجاب کی پارلیمانی پارٹی سےبھی ملاقات کرٰں گے ، ملاقاتوں میں پنجاب میں حکومت سےمتعلق حکمت عملی زیر غور آئے گی۔

یاد رہے پنجاب اسمبلی کے اسپیکر چوہدری پرویز الہٰی نے کہا تھا کہ اسمبلی کا اجلاس 6اپریل کو ہوگا اور اس دن پورا نقشہ سامنے آجائے گا۔

ان کا کہنا تھا کہ88میں صوبائی الیکشن ایک ہفتے بعد ہوئے تھے،18ویں ترمیم کے بعد سارا اختیار صوبوں کے پاس ہے، 6اپریل کو ساڑھے گیارہ بجے تمام میڈیا کو اسمبلی آنے کی دعوت ہے۔

اسپیکر پنجاب اسمبلی کا کہنا تھا کہ علیم خان اور جہانگیر ترین دونوں فارغ ہوگئے ہیں اور چوہدری سرور کا مستقبل ان سے پوچھیں، ساڑھے 3سال گورنر شپ کے مزے اڑائے اور کیا چاہیے۔

Comments

یہ بھی پڑھیں