اسلام آباد: وزیراعظم عمران خان آئندہ ہفتے عوام الناس سے براہ راست گفتگو میں سوالات کے جواب دیں گے، وقت اورتاریخ کا اعلان جلد کیا جائے گا۔
تفصیلات کے مطابق وزیراعظم کی عوام سے ٹیلی فون پر گفتگو کا شیڈول تبدیل کردیا گیا ، وزیراعظم کل کی بجائے آئندہ ہفتےفون پر عوام سے بات کریں گے ، وقت اورتاریخ کااعلان جلد کیا جائے گا۔
اس سے قبل سینیٹر فیصل جاوید نے سماجی رابطے کی ویب سائٹ ٹوئٹر پر اپنے پیغام میں کہا تھا کہ آپ کا وزیراعظم آپ کے ساتھ،
وزیراعظم عمران خان ایک بار پھر عوام سےفون پربراہ راست بات کریں گے ، ٹیلی فون لائنز 21 مارچ بروز اتوار سہ پہر 3 بجے کھول دی جائیں گی اور وزیراعظم عمران خان عوام کے سوالات کے جواب دیں گے۔
#آپکا_وزیراعظم_آپکے_ساتھ
وزیراعظم پاکستان عمران خان سے فون پر براہِ راست بات کریں –
ٹیلی فون لائنز 21مارچ بروز اتوار سہ پہر 3 بجے
اوپن کر دی جائینگی- آپکے سوالات اور وزیراعظم کے جواب ٹیلی ویژن، ریڈیو اور ڈیجیٹل میڈیا پر ایک ساتھ نشر کیے جائیں گے— Faisal Javed Khan (@FaisalJavedKhan) March 20, 2021
اے آر وائی نمائندہ کے مطابق اس بار فیصلہ کیا گیا ہے کہ وزیراعظم عوام سے براہِ راست گفتگو کریں گے ، ایڈیٹنگ نہیں کی جائے گی۔
اس سے قبل یکم فروری کو بھی وزیراعظم عمران خان نے عوام کے سوالات کے جواب دیئے تھے، اس موقع پر وزیراعظم عمران کے پیغام کی ایک مختصر ویڈیو جاری کی گئی تھی، ویڈیو کلپ میں “آپ کا وزیر اعظم آپ کے ساتھ” کی تھیم کا استعمال کیا گیا تھا ، جس میں وزیراعظم قوم کو مخاطب کرتے ہوئے کہہ رہے ہیں کہ یہ قوم عظیم بن سکتی ہےاور انشااللہ ہم بنیں گے۔
