اسلام آباد : وزیراعظم عمران خان اتوار کو گلگت بلتستان کے قومی دن کی تقریب میں شریک ہوں گے اور تقریب سے خطاب بھی کریں گے۔
تفصیلات کے مطابق وزیراعظم عمران خان اتوار کو گلگت بلتستان کا دورہ کریں گے اور گلگت بلتستان کے قومی دن کی تقریب میں شریک ہوں گے اور تقریب سے خطاب بھی کریں گے۔
ذرائع کا کہنا ہے کہ تقریب میں گورنر گلگت بلتستان اور نگران وزیراعلیٰ گلگت بلتستان بھی شرکت کریں گے۔
یاد رہے وزیراعظم عمران خان کا رحمت اللعالمینﷺقومی کانفرنس سے خطاب کرتے ہوئے کہنا تھا کہ نبیﷺ کی شان میں بار بار گستاخی ہونا مسلمان لیڈر شپ کی ناکامی ہے، نبیﷺ کی بےحرمتی کے آگے کوئی بھی تکلیف معنی نہیں رکھتی، اسلاموفوبیا کی وجہ سے مغربی ممالک میں مقیم مسلمانوں کو تکلیف ہوتی ہے۔
انہوں نے کہا تھا کہ ہم بھی آزادی اظہار پر یقین رکھتے ہیں مگر اس کی ایک حد ہوتی ہے، نبیﷺ کی شان میں گستاخی کرکے سوا ارب مسلمانوں کو جان بوجھ کر تکلیف پہنچائی جاتی ہے۔
