وانا: وزیراعظم عمران خان آج جنوبی وزیرستان کے ضلعی ہیڈکواٹر وانا میں جلسہ عام سے خطاب کریں گے۔
تفصیلات کے مطابق صوبہ خیبرپختونخواہ کے قبائلی ضلو جنوبی وزیرستان کے علاقے وانا میں وزیراعظم عمران خان کی آمد اور جلسہ عام کی تمام ترتیاریاں مکمل کرلی گئی ہیں۔
وانا میں جلسے کی سیکیورٹی پر خاصہ دار فور، لیویز، اسکاؤٹس اور ملٹری کے جھتے مختلف مقامات پر تعینات کردیے گئے ہیں۔
رستم بازار وانا ودیگر راستوں پر پاکستان تحریک انصاف کے کارکنوں نے پارٹی کے بینرز جگہ جگہ آویزاں کیے ہیں۔
وزیراعظم عمران خان مکین میں جرگے سے بھی خطاب کریں گے، وزیراعظم اس سے پہلے قبائلی اضلاع میں 4 بڑے جلسے کرچکے ہیں۔
لوگوں کے زخموں پر نمک چھڑک کر انہیں بھڑکانا درست نہیں: وزیراعظم
یاد رہے کہ گزشتہ ہفتے خیبر پختونخواہ کے ضلع اورکزئی میں جلسے سے خطاب کرتے ہوئے وزیر اعظم عمران خان کا کہنا تھا کہ قبائلی علاقے کے لوگوں کو نقل مکانی کرنی پڑی، اس کی تکلیف جانتا ہوں۔ لوگوں کے زخموں پر نمک چھڑک کر بھڑکانا درست نہیں۔
وزیر اعظم عمران خان کا کہنا تھا کہ ہم نے قبائلی علاقوں کے بچوں کو تعلیم دینی ہے۔ ہماری حکومت کا سب سے بڑا چیلنج ہے نوجوانوں کو نوکریاں دینی ہیں۔
