صوابی : وزیراعظم عمران خان آج صوابی میں غلام اسحاق خان انسٹیٹیوٹ آف انجینئرنگ سائنسزکےاکیڈمک بلاک کاافتتاح کریں گے اور تقریب سے خطاب کریں گے۔
تفصیلات کے مطابق وزیراعظم عمران خان آج خیبرپختونخوا کا دورہ کریں گے ، جہاں صوابی کے علاقے توپی میں غلام اسحاق خان یونیورسٹی جائیں گے اور انسٹیٹیوٹ آف انجینئرنگ سائنسز کے اکیڈمک بلاک کا افتتاح کریں گے۔
ازیراعظم یونیورسٹی کے مختلف شعبوں کا دورہ کریں گے اور تقریب سے خطاب بھی کریں گے، اس موقع پرخیبرپختونخواکابینہ عمران خان کے ہمراہ ہوگی۔
خیال رہے وزیراعظم آج قوم سے خطاب میں مقبوضہ کشمیر کے معاملے پر بات کریں گے، خطاب شام ساڑھے 5 بجے نشر کیا جائے گا۔
مزید پڑھیں : مسئلہ کشمیر: وزیراعظم عمران خان آج قوم سے خطاب کریں گے
چند روز قبل وزیراعظم عمران خان نے کے پی میں پولیو کے بڑھتے کیسز پر تشویش کا اظہار کرتے ہوئے وفاق اورصوبوں کو پولیو کےخلاف مؤثر مہم چلانے کی ہدایت کی تھی۔
یاد رہے پشاور میں خیبرپختونخوا کی کابینہ اراکین سے خطاب کرتے ہوئے کہا تھا وزیر اعظم نے کہا کہ معیشت کی بحالی کرپٹ سیاسی مافیا سے نجات سے ہی ممکن ہوگی، کرپٹ سیاسی مافیا حالیہ اقتصادی بحران سے حکومت کو بلیک میل کرناچاہتا ہے۔
میں پاکستانی عوام کے ساتھ کبھی بےوفائی نہیں کرونگا، ملک میں عارضی معاشی بحران ہے۔
