اسلام آباد : وزیراعظم عمران خان نے نو روز کاتہوار منانے والوں کو مبارکباد دی، یہ دن موسم بہار کو خوش آمدید کہنے کے لیے منایا جاتا ہے۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹرئٹر پر اپنے پیغام میں نو روز کاتہوار منانے والوں کو مبارکباد دی۔
A Happy Nauroze to all those celebrating it.
— Imran Khan (@ImranKhanPTI) March 21, 2019
خیال رہے ملک بھر میں آج نوروزکا تہوار منایا جا رہا ہے، نوروز موسم بہار کی آمد کی علامت ہے، جسے صدیوں سے اسی جذبے اور ولولے سے منایا جارہا ہے۔
نوروز کے موقع پر مختلف دعائیہ اور سماجی تقاریب کا انعقاد کیا جاتا ہے اور مخصوص پکوان تیار کیے جاتے ہیں، ایران میں یہ تہوار 13 دن تک منایا جاتا ہے جبکہ افغانستان میں نوروز کی تقریبات کے آغازکا سرکاری اعلان مزارشریف سے کیا جاتا ہے۔ وسط ایشیائی ممالک میں بھی نوروز کو تہوار کی طرح منایا جاتا ہے جبکہ پاکستان اور بھارت کے کچھ علاقوں میں نوروز کے دن خصوصی دعاؤں کا اہتمام ہوتا ہے۔
یہ تہوار معاشرے کے درمیان یکجہتی اور بھائی چارے کے احساسات کو پختہ کرتا ہے، نوروز کی طرح کے تہوار ہماری طاقت کا مظہر ہیں۔ نوروز کا تہوار مستقبل میں بھی انسانوں کے درمیان اخوت و یکجہتی کو مزید تقویت دیتے ہوئے اسی جوش و جذبے کو طاقت بخشتی رہے گا۔
