اسلام آباد: وزیراعظم عمران خان آج اسلامک سوسائٹی آف نارتھ امریکہ کے کنونشن سےخطاب کریں گے، وزیراعظم کا خطاب سوشل میڈیا پر براہ راست نشر کیا جائے گا۔
تفصیلات کے مطابق وزیراعظم عمران پاکستانی وقت کے مطابق صبح ساڑھے 8 بجے اسلامک سوسائٹی آف نارتھ امریکہ کے کنونشن سے خطاب کریں گے۔
اسلامک سوسائٹی آف نارتھ امریکہ کا 56واں سالانہ کنونشن ہیوسٹن میں جاری ہے۔ وزیراعظم عمران خان کا خطاب سوشل میڈیا پربراہ راست نشر کیا جائے گا۔
صدراثنا ڈاکٹر سید سعید کا کہنا ہے کہ وزیراعظم عمران خان کو خصوصی طورپر کنونشن سے خطاب کی دعوت دی۔
ڈاکٹرسید سعید کے مطابق وزیراعظم عمران خان نے اسلامی عقائد اور مذہبی آزادی سے متعلق مثبت اشارے دیے، وزیراعظم مسلم دنیا کی اہم آواز ہیں، امریکی نوجوان انہیں سننا چاہتے ہیں۔
کشمیر کا غیر قانونی الحاق مسلمانوں کو نشانہ بنانے کی وسیع پالیسی کا حصہ ہے: وزیر اعظم
یاد رہے کہ گزشتہ روز وزیر اعظم عمران خان کا کہنا تھا کہ دنیا کو خبردار ہونا چاہیئے کہ کشمیر کا غیر قانونی الحاق مسلمانوں کو نشانہ بنانے کی وسیع پالیسی کا حصہ ہے۔
وزیر اعظم عمران خان نے سماجی رابطے کی ویب سائٹ ٹویٹر پر ٹویٹ کرتے ہوئے کہا تھا کہ بھارت سمیت دنیا بھر کے میڈیا پر مودی حکومت کی جانب سے مسلمانوں کی نسل کشی پر رپورٹس شائع ہورہی ہیں۔
