The news is by your side.

Advertisement

وزیر اعظم آج لاہور میں مصروف دن گزاریں گے

لاہور: وزیر اعظم عمران خان کل سے لاہور کے دورے پر ہیں، شیڈول کے مطابق وہ آج لاہور میں مصروف دن گزاریں گے۔

اے آر وائی نیوز کے مطابق وزیر اعظم ایوان وزیر اعلیٰ میں خصوصی اجلاس کی صدارت کریں گے، جس میں لاہور کے مختلف مقامات پر اسمارٹ لاک ڈاؤن کی تجویز زیر بحث آئے گی۔

وزیر اعظم کو صوبائی بجٹ اور انسداد کرونا اقدامات پر بریفنگ دی جائے گی، اجلاس میں وزرا کی کارکردگی بھی موضوع بحث ہوگی، وزیر اعظم عمران خان گورنر چوہدری محمد سرور اور وزیر اعلیٰ پنجاب عثمان بزدار سے ملاقاتیں بھی کریں گے۔

اسپتالوں میں مریضوں کے لیے سہولیات پر بھی وزیر اعظم کو آگاہ کیا جائے گا، انسداد کرونا کے لیے ایس او پیز پر کتنا عمل ہو رہا ہے، وزیر اعظم کو آگاہی دی جائے گی۔

پہلے دن سے لاک ڈاؤن کے خلاف تھا، غریب کے ساتھ کھڑا ہوں، وزیر اعظم عمران خان

دریں اثنا، وزیر اعظم عمران خان گورنر ہاؤس میں منعقدہ ایک تقریب میں بھی شرکت کریں گے۔

یاد رہے کہ گزشتہ روز تحریک انصاف حکومت کے دوسرے بجٹ سے متعلق قومی اسمبلی اجلاس کے بعد وزیر اعظم لاہور کے لیے روانہ ہو گئے تھے، لاہور پہنچتے ہی وہ ایئر پورٹ سے اپنی رہائش گاہ زمان پارک چلے گئے تھے۔

خیال رہے کہ پنجاب میں کرونا وائرس کے بڑھتے ہوئے کیسز سے متعلق اجلاس عالمی ادارہ صحت کی جانب سے شعبہ صحت پنجاب کو کرونا کیسز کی بڑھتی تعداد پر لکھے گئے خط کے بعد منعقد کیا جا رہا ہے۔

Comments

یہ بھی پڑھیں