وزیرِ اعظم بننے کے بعد عمران خان 16 ستمبر کو پہلی بار کراچی کا دورہ کریں گے -
The news is by your side.

Advertisement

وزیرِ اعظم بننے کے بعد عمران خان 16 ستمبر کو پہلی بار کراچی کا دورہ کریں گے

اسلام آباد: گورنر سندھ عمران اسماعیل نے وفاقی دارالحکومت میں وزیرِ اعظم عمران خان سے ملاقات کرتے ہوئے دورۂ کراچی کی دعوت دے دی جسے انھوں نے قبول کر لیا۔

تفصیلات کے مطابق گورنر سندھ نے اسلام آباد میں وزیرِ اعظم سے ملاقات کی، عمران خان نے ملاقات میں گورنر ہاؤس کو عوام کے لیے کھولے جانے کے فیصلے کو سراہا۔

عمران اسماعیل نے وزیرِ اعظم کو دعوت دی کہ وہ کراچی کا دورہ کریں، عمران خان نے دعوت قبول کرتے ہوئے 16 ستمبر کو کراچی آنے کا فیصلہ کر لیا۔

ترجمان وزیرِ اعظم ہاؤس کے مطابق وزیرِ اعظم کراچی کے دورے کے موقع پر سیکورٹی سے متعلق اعلٰی سطحی اجلاس کی صدارت کریں گے۔

وزیرِ اعظم نے ملاقات میں گورنر سندھ کو عوامی مسائل پر گہری نظر رکھنے کی ہدایت کرتے ہوئے کہا کہ عوام کے مسائل پر سے صرفِ نظر نہ کیا جائے۔

ترجمان کا کہنا ہے کہ کراچی دورے کے موقع پر وزیرِ اعظم کو شہر میں جاری مختلف ترقیاتی منصوبوں پر بریفنگ بھی دی جائے گی۔


یہ بھی پڑھیں:  گورنر ہاؤس سندھ کی تاریخی عمارت کو عوام کیلئے کھول دیا گیا


ترجمان نے بتایا کہ بھاشا ڈیم سے متعلق فنڈ ریزنگ پروگرام گورنر ہاؤس کے لان میں منعقد ہوگا، فنڈ ریزنگ پروگرام کی ذمہ داری بھی گورنر سندھ کو دی گئی۔

ترجمان کے مطابق وزیرِ اعظم کے دورۂ کراچی کے دوران اہم شخصیات سے ملاقاتیں بھی متوقع ہیں۔ خیال رہے کہ وزیرِ اعظم بننے کے بعد عمران خان پہلی بار کراچی کے دورے پر آئیں گے۔

Comments

comments

یہ بھی پڑھیں