The news is by your side.

Advertisement

وزیر اعظم عمران خان آئندہ چند ہفتوں میں "احساس نشوونما ” پروگرام کا آغاز کریں گے

اسلام آباد : وزیر اعظم عمران خان آئندہ چند ہفتے میں احساس نشوونما پروگرام کا آغاز کریں گے، اس پروگرام میں حکومت کو عالمی ادارہ خوراک معاونت فراہم کرے گا۔

تفصیلات کے مطابق وزیراعظم عمران خان سے معاون خصوصی برائے سماجی تحفظ اور تخفیف غربت ڈاکٹر ثانیہ نشتر کی ملاقات ہوئی ، جس میں ڈاکٹر ثانیہ نشتر نے احساس کے نئے پروگرام "احساس نشوونما” کے حوالے سے وزیراعظم کو بریفنگ دی۔

وزیر اعظم عمران خان آئندہ چند ہفتوں میں "احساس نشوونما ” پروگرام کا آغاز کریں گے، دوران ملاقات وزیراعظم نے ڈاکٹر ثانیہ نشتر کو احساس کیش پروگرام کے دائرہ کار میں توسیع کے حوالے سے بھی ہدایات دیں۔

احساس نشوونما پروگرام کے تحت ملک کے نو اضلاع میں اکتیس نشوونما مراکز قائم کئے جائیں گے، بچوں کی نشوونما میں رکاوٹ کے خاتمے کے لئے خصوصی طور پر ڈیزائن کردہ اس پروگرام میں حکومت کو عالمی ادارہ خوراک معاونت فراہم کرے گا۔

دوسری جانب ڈاکٹر ثانیہ نشتر نے اپنے پیغام میں کہا ہے کہ احساس پروگرام کے تحت اب تک ملک بھر میں ایک کروڑ چھبیس لاکھ سینتالیس ہزار روپے سے زائد افراد میں ایک سو ترپن ارب پانچ کروڑ روپے سے زائد رقم تقسیم کی جاچکی ہے۔

Comments

یہ بھی پڑھیں