The news is by your side.

Advertisement

سندھ ہاؤس جیسا واقعہ دوبارہ پیش نہیں آنا چاہئیے، وزیراعظم کی کارکنان کو ہدایت

اسلام آباد : وزیراعظم عمران خان نے کارکنان کو ہدایت جاری کی ہے کہ سندھ ہاؤس جیسا واقعہ دوبارہ پیش نہ آئے اور عدالتی حکم پر سختی سے عمل کیا جائے۔

تفصیلات کے مطابق وزیراعظم عمران خان سے اٹارنی جنرل خالد جاوید کی ملاقات ہوئی ، ملاقات میں اٹارنی جنرل نے وزیراعظم کو سپریم کورٹ میں ہوئی سماعت پر بریفنگ دی

دوران ملاقات مختلف قانونی امور پر بھی مشاورت کی گئی اور اٹارنی جنرل نے سندھ ہاؤس واقعے پرعدالتی تشویش سے وزیراعظم کو آگاہ کیا۔

جس پر وزیراعظم نے پارٹی کارکنان کو ہدایت جاری کہ دوبارہ ایساواقعہ پیش نہ آئے، اور عدالت کا جو حکم اسے پر سختی سے عمل کیا جائے۔

یاد رہے سپریم کورٹ نے سندھ ہاؤس پرحملے سے متعلق درخواست پر تمام سیاسی جماعتوں تحریک انصاف،مسلم لیگ ن ،جےیوآئی اور پیپلز پارٹی کو نوٹس جاری کرتے ہوئے آئی جی اسلام آباد کو پیر تک رپورٹ جمع کرانے کی ہدایت کردی۔

عدالت نے آئی جی اسلام آباد کو قانون کے مطابق اقدامات کا حکم دیتے ہوئے کہا تھا کہ تمام سیاسی جماعتیں اپنے وکلاکےذریعے عدالت کی معاونت کریں۔

Comments

یہ بھی پڑھیں