اسلام آباد : وزیراعظم عمران خان سے سربراہ پاک بحریہ نے ملاقات کی ، ملاقات میں وزیراعظم کا کہنا تھا کہ سمندری حدود کی حفاظت کے لیے پاک نیوی کا کردار قابل تحسین ہے۔
تفصیلات کے مطابق اسلام آباد میں وزیراعظم عمران خان کی نیول چیف ایڈمرل ظفر محمود عباسی سے ملاقات ہوئی ، ملاقات میں ملکی سلامتی اور پاک بحریہ کے پیشہ ورانہ امور سے متعلق تبادلہ خیال کیا گیا۔
ملاقات میں پاک بحریہ کے سربراہ ایڈمرل ظفر محمود عباسی نے عمران خان کو وزارت عظمیٰ کا منصب سنبھالنے پر مبارک باد دی۔
اس موقع پر وزیراعظم کا کہنا تھا کہ سمندری حدود کی حفاظت کےلیے پاک نیوی کا کردار قابل تحسین ہے۔
مزید پڑھیں : وزیر اعظم عمران خان سے آرمی چیف کی ملاقات
گزشتہ وزیراعظم عمران خان نے پاک فوج کے سربراہ جنرل قمر جاوید باجوہ سے ملاقات کی تھی، ملاقات میں ملک میں پائیدار امن اور استحکام کے عزم کا اظہار کیا گیا جبکہ خطےمیں امن کے لیے کوششیں جاری رکھنے کے عزم کا اعادہ بھی کیا گیا تھا۔
خیال رہے کہ پاکستان تحریک انصاف کے الیکشن جیتنے، نئی حکومت بننے اور عمران خان کے بطور وزیر اعظم حلف اٹھانے کے بعد دونوں شخصیات کی یہ پہلی باضابطہ ملاقات ہے۔
