اسلام آباد : وزیراعظم عمران خان کا کہنا ہے کہ کسی کو پیچھے نہ چھوڑنے کا عنوان اصل میں ہمارا منشور ہے، نچلے طبقے کو اوپر اٹھائے بغیر ترقی نہیں ہوسکتی۔
تفصیلات کے مطابق وزیراعظم عمران خان کا پالیسی ادارہ برائے پائیدار ترقی (ایس ڈی پی آئی) کی سالانہ کانفرنس پر پیغام میں کہا کہ سالانہ کانفرنس میں شرکت کی دعوت پر ایس ڈی پی آئی کا شکریہ ادا کرتا ہوں۔
عمران خان کا کہنا تھا کہ کسی کو پیچھے نہ چھوڑنے کا عنوان اصل میں ہمارا منشور ہے، نچلے طبقے کو اوپر اٹھائے بغیر ترقی نہیں ہو سکتی۔
انھوں نے کہا معاشرہ ترقی کرتا ہی تب ہے جب نیچے سے لوگوں کو اوپر اٹھائیں، مدینہ کی فلاحی ریاست کا فلسفہ ہی یہ تھا جبکہ مدینہ کی فلاحی ریاست کامقصد یہی تھا کہ کمزور طبقےکی ذمہ داری لے۔
یاد رہے وزیر اعظم عمران خان نے سائیکل پر کچرا اکٹھا کرنے والے بچے کی تصویر شیئر کرتے ہوئے کہا تھا کہ یہی پاکستانی میری ترجیح ہیں جنہیں ہماری ریاست نے اب تک نظر انداز کیا ہے۔
