اسلام آباد: وزیر اعظم عمران خان نے نوجوانوں کے نام اپنے پیغام میں کہا ہے کہ آزاد اور لبرل انسان وہ ہے جس کی روح کی کوئی قیمت نہیں ہوتی، آزاد وہ ہے جو مادی قیمت سے بالاتر ہے۔
تفصیلات کے مطابق وزیر اعظم پاکستان عمران خان نے سماجی رابطے کی ویب سائٹ ٹویٹر پر اپنے ٹویٹ میں کہا کہ آزاد اور لبرل انسان وہ ہے جس کی روح کی کوئی قیمت نہیں ہوتی۔ آزاد وہ ہے جو مادی قیمت سے بالاتر ہے۔
وزیر اعظم نے شاعر اور اسکالر رومی کا ایک قول ٹویٹ کیا اور اسے نوجوانوں کے لیے اپنا پیغام قرار دیا۔
رومی کے اس قول میں پیغام ہے کہ اپنی روح کسی قیمت پر فروخت مت کرو، یہ واحد چیز ہے جو تم اس دنیا میں اپنے ساتھ لائے ہو اور یہی چیز ساتھ لے کر جاؤ گے۔
A truly free, liberated & rich human being is one who’s soul is priceless – beyond any material price. Dedicated to the youth of Pakistan. pic.twitter.com/CvAwxuQyNO
— Imran Khan (@ImranKhanPTI) March 22, 2021
یاد رہے کہ وزیر اعظم عمران خان کرونا وائرس کا شکار ہوچکے ہیں اور آج کل قرنطینہ میں وقت گزار رہے ہیں۔ وہ اکثر و بیشتر قوم کے نام اس طرح کے حوصلہ افزا پیغامات جاری کرتے رہتے ہیں۔
علاوہ ازیں وہ اسلامی تعلیمات پر مبنی کتب پڑھنے اور ڈرامے دیکھنے کی بھی ترغیب دیتے رہتے ہیں۔
