The news is by your side.

Advertisement

وزیر اعظم کی عوامی شکایات کے ازالے کے لیے اہم ہدایت

اسلام آباد: وزیر اعظم عمران خان نے عوامی شکایات کے ازالے کے لیے اہم فیصلہ کرتے ہوئے وفاقی اداروں کے کمپلینٹ سیلز کو پاکستان سٹیزن پورٹل سے منسلک کرنے کی ہدایت دے دی۔

تفصیلات کے مطابق وفاقی اداروں کے کمپلینٹ سیلز کو پاکستان سٹیزن پورٹل سے منسلک کرنے کا فیصلہ کیا گیا ہے، وزیر اعظم عمران خان نے ون ونڈو کمپلینٹ سسٹم کی منظوری دے دی۔

اس سلسلے میں وزیر اعظم آفس نے وفاقی وزارتوں کو مراسلہ جاری کر دیا۔ مراسلے میں کہا گیا ہے کہ وزیر اعظم نے کمپلینٹ سیلز کا ایک مرکزی نظام بنانے کی ہدایت کی ہے اور ون ونڈو آپریشن پر 60 روز میں کام مکمل کرنے کی ہدایت کی ہے۔

مراسلے میں کہا گیا کہ ابتدائی طور پر وزارتوں کے 33 شکایات سیل منسلک کیے جائیں گے، وزیر اعظم کے اقدام سے شکایات درج کروانے کا نظام مستحکم ہوگا۔

وزیر اعظم آفس کی جانب سے کہا گیا کہ مختلف وفاقی اداروں میں کمپلینٹ سیلز کام کر رہے ہیں، باہمی اور مربوط روابط پر مشتمل یونیورسل شکایتی نظام کی ضرورت ہے۔ شہریوں کی ہر قسم کی شکایات میرٹ پر حل کی جائیں گی۔

مراسلے کے مطابق ون ونڈو آپریشن سے شکایات کے حل پر آگاہی میسر ہوگی، وقت اور وسائل کی بچت کے ساتھ تھرڈ پارٹی آڈٹ نظام مؤثر ثابت ہوگا۔

Comments

یہ بھی پڑھیں