The news is by your side.

Advertisement

گریٹراقبال پارک واقعہ، وزیراعظم کا بروقت پولیس رسپانس نہ ہونے پر اظہار ناراضگی

لاہور : وزیراعظم عمران خان نے گریٹر اقبال پارک واقعے پر بروقت پولیس رسپانس نہ ہونے پر اظہار ناراضگی کرتے پولیس رسپانس بہتر بنانے کی ہدایت کردی۔

تفصیلات کے مطابق وزیراعظم عمران خان سےچیف سیکرٹری پنجاب جواد اور آئی جی پنجاب کی ملاقات ہوئی ، وزیر اعلی پنجاب عثمان بزدار بھی ملاقات میں موجود تھے، وزیراعظم نے خواتین سے بدتمیزی کے واقعات کی روک تھام اور خواتین کے تحفظ کے فوری اور سخت اقدامات کی ہدایت کردی۔

وزیراعظم نے جان و مال کے تحفظ کے اقدامات کی بھی ہدایت کرتے ہوئے کہا ملزمان کے خلاف فوری کاروائی کر کے سخت سزا یقینی بنائی جائے۔

وزیراعظم عمران خان کو صوبے میں امن وامان کی صورتحال سمیت قبضہ مافیا، مہنگائی اور ذخیرہ اندوزی کی روک تھام کے اقدامات اور صوبے میں خواتین کے تحفظ کیلئے اٹھائے گئے اقدامات پر بریفنگ دی۔

گریٹر اقبال پارک واقعے پر وزیراعظم نے بروقت پولیس رسپانس نہ ہونے پر اظہار ناراضگی کرتے پولیس رسپانس بہتر بنانے کی ہدایت کرتے ہوئے کہا کہ خواتین کیساتھ بدسلوکی کے واقعات پر فوری رسپانس دیں۔

Comments

یہ بھی پڑھیں