The news is by your side.

Advertisement

صدر، وزیراعظم ودیگر سیاسی رہنماؤں کا شہید کرنل مجیب الرحمان کوخراجِ عقیدت

اسلام آباد : وزیراعظم عمران خان نے ٹانک میں جام شہادت نوش کرنے والےکرنل مجیب الرحمان کوخراج عقیدت  پیش کرتے ہوئے کہا ہے کہ شہید نےدہشت گردوں کے مذموم مقاصد کو ناکام بنایا، پوری قوم افواج پاکستان اور سیکیورٹی اداروں کی قربانیوں کی معترف ہے۔

یہ بات انہوں  نے اپنے پیغام میں کہی، وزیر اعظم عمران خان نے  ٹانک میں دہشت گردوں کیخلاف کامیاب کارروائی پر فورسز اور جام شہادت نوش کرنے والےکرنل مجیب الرحمان کوخراج عقیدت پیش کیا۔

عمران خان کا کہنا تھا کہ پوری قوم افواج پاکستان،سیکیورٹی اداروں کی قربانیوں کی معترف ہے، کرنل مجیب الرحمان شہید نے دہشت گردوں کے مذموم مقاصد کو ناکام بنایا۔

انہوں نے کہا کہ فورسزکی بےمثال قربانیوں سےدہشت گردی کا خاتمہ ممکن ہوا اور امن کی شمع  روشن ہوئی۔ اپنے پیغام میں وزیراعظم عمران خان نے شہید کرنل مجیب الرحمان کے درجات کی بلندی کیلئے دعا بھی کی۔

سیکیورٹی فورسزکی قربانیوں کی وجہ سے ملک سے دہشت گردی کا خاتمہ ہوا، صدر


صدرڈاکٹرعارف علوی نے  ٹانک میں دہشت گردی کا منصوبہ ناکام بنانے پر کرنل مجیب الرحمان شہیدکوخراج عقیدت پیش کرتے ہوئے کہا کہ سیکیورٹی فورسزکی قربانیوں کی وجہ سےملک سےدہشت گردی کاخاتمہ ہوا۔

صدرڈاکٹر عارف علوی نے شہید کے بلنددرجات اور اہلخانہ کیلئےصبر جمیل کی دعا کرتے ہوئے کہا کہ پوری قوم اس ناسورکےخلاف جنگ میں متحد اورپرعزم ہے ۔

شہید کرنل مجیب الرحمان کی جرأت وبہادری کو سلام پیش کرتے ہیں، وزیراعلیٰ پنجاب


دوسری جانب وزیراعلیٰ پنجاب نے شہیدکرنل مجیب الرحمان کو خراج عقیدت پیش کرتے ہوئے اہل خانہ سےدلی اظہارتعزیت کیا اور کہا شہیدکرنل مجیب الرحمان کی جرأت وبہادری کو سلام پیش کرتے ہیں۔

شہدا کی قربانیوں کو ہمیشہ یاد رکھا جائے گا، وزیرداخلہ


وزیر داخلہ اعجاز شاہ نے بھی ڈی آئی خان میں دہشت گرد منصوبہ ناکام بنانے پر شہید کو خراج تحسین پیش کرتے ہوئے جام شہادت نوش کرنے والےشہیدکرنل مجیب الرحمان کیلئے دعا کی۔

اعجاز شاہ کا کہنا تھا کہ مشکل وقت میں شہید کےاہل خانہ کےساتھ کھڑے ہیں، شہداکی قربانیوں کو ہمیشہ یاد رکھا جائے گا۔

امن کےلیےقربانی دینےوالوں کوعوام سلام پیش کرتےہیں، گورنر پنجاب


گورنرپنجاب نے پاک فوج کےکرنل مجیب الرحمان کی شہادت پراظہارافسوس کرتے ہوئے کہا امن کےلیےقربانی دینےوالوں کوعوام سلام پیش کرتےہیں دشمن کےخلاف بہادری سے پاک افواج لڑتی ہے،اس کی مثال نہیں۔

کرنل مجیب الرحمان جیسے بہادر بیٹے قوم کے ماتھے کا جھومر ہیں ، بلاول


چیئرمین پیپلز پارٹی بلاول بھٹو نے آپریشن میں شہید کرنل مجیب الرحمان کو خراج عقیدت پیش کرتے ہوئے کہا کہ کرنل مجیب الرحمان جیسے بہادر بیٹے قوم کے ماتھے کا جھومر ہیں۔

انہوں نے کہا کہ ہمیں آخری دہشت گرد کے خاتمے تک اس کا مقابلہ کرنا ہوگا، پوری قوم فرنٹ لائن پر دہشت گردوں کا مقابلہ کررہی ہے ، پوری قوم پاک فوج کے جوانوں کیساتھ کھڑی ہے۔

fb-share-icon0
Tweet 20

Comments

comments

یہ بھی پڑھیں